KBC Season 12 in 2020 ত কেনেকৈ Registration কৰিব

Sony Tv ত আৰম্ভ হবলৈ গৈ আছে  Game Show Kaun Banega Crorepati সেইবাবে ৯ মে ২০২০ তাৰিখৰ পৰা ২২ মে ২০২০ তাৰিখলৈকে প্ৰতিদিনে এটাকৈ প্ৰশ্ন  Sony Tv ত  Amitabh Bachchan ডাঙৰীয়াই সুধিব৷ সেই প্ৰশ্নৰ শুদ্ধ উত্তৰ দিওতা সকলৰ মাজৰ পৰাই সৌভাগ্যৱান কেইজনমানে Hot Seat ত বহি KBC খেলাৰ সুযোগ লাভ কৰিব৷ লকডাউনৰ সময়ত সকলো ঘৰতে আছে  গতিকে নিজৰ ভাগ্যক এবাৰ সুযোগ দি চোৱাটো উচিত৷

KBC ৰ Registration ৰ বাবে প্ৰতি ৰাতি ৯ বজাত এটা প্ৰশ্ন সোধা হয়৷ পিছদিনা ৰাতি  ৯ বজালৈকে উক্ত প্ৰশ্নটোৰ উত্তৰ দিবৰ বাবে সময় থাকে৷ 

KBC 2020 ৰ বাবে Registration কেনেকৈ কৰিব:

Google play store ৰ পৰা Sony liv App ডাউনলড্ কৰক৷

তাৰ পাছত Sony liv app Open কৰিলে KBC  Season 12 in 2020 Registration Page টো দেখিব৷তাতে ক্লিক কৰি নিজৰ ঠাইৰ নাম,বয়স,আপোনাৰ জীৱিকা,শিক্ষাগত অৰ্হতা,লিংগ আৰু Mobile No দিলে নিৰ্দিষ্ট প্ৰশ্নটো দেখা পাব তাত চাৰিটা উত্তৰ থাকিব তাৰে শুদ্ধ উত্তৰটোত ক্লিক কৰি Submit কৰি দিব৷ যদি আপুনি নিৰ্বাচিত হয় তেতিয়া Sony Channel ৰ ফালৰ পৰা আপোনাৰ লগত যোগাযোগ কৰিব৷

Sony liv app Download নকৰাকৈও KBC 12 ত Registration কৰিব পাৰিব৷

যিকোনো Mobile নম্বৰৰ পৰা KBC < Space><A/B/C/D><Space><Age in Completed years><Space><Gender দি 509093 নম্বৰত পঠিয়াই দিব লাগে৷ যিকোনো এটি প্ৰশ্নৰ উত্তৰ option B হয় ,আপুনি পুৰুষ হয় আৰু আপোনাৰ বয়স ২৫ তেতিয়া তলত উল্লেখ কৰা ধৰণে SMS দিব লাগিব

KBC B 25 M

নিকু বৰুৱা

শিক্ষক : তোমাৰ নাম কি?

নিখিল : নমস্কাৰ মোৰ নাম শ্ৰী নিখিল বৰুৱা৷

শিক্ষক : তোমাৰ দেউতাৰ নাম কি ?

নিখিল : নিকু বৰুৱা

শিক্ষক : তোমাৰ মাৰ নাম কি?

নিখিল : নিকু বৰুৱা

শিক্ষক : (আচৰিত হৈ) মই তোমাৰ মাৰ নাম সুধিছো দেউতাৰ নাম নহয়৷

নিখিল: মইও মাৰ নামেই কৈছো৷

শিক্ষক : (মূৰ খজুৱাই) তোমাৰ মা জীয়াই আছে৷

নিখিল : উম আছে৷

শিক্ষক : কিন্তু কেনেকৈ তোমাৰ মা দেউতাৰ নাম একে?

নিখিল: আমাৰ আইতাই কৈছে পাপাই বোলে নিজৰ নাম আৰু উপাধি মিল থকা মাৰ সৈতে বিয়া পাতিলে যাতে আমি মা পাপাৰ নাম মনত ৰাখোতে কষ্ট নহয়৷

নিখিলৰ কথা শুনি শিক্ষক শিল পৰা কপৌৰ দৰে একেঠাইতে ৰৈ থাকিল৷

হাঁহো আহক ৩

হাঁহি ১

বিয়াৰ প্ৰতি সেইদিনা মোহ নাইকিয়া হৈছিল যিদিনা শান্তি নামৰ মানুহজনীৰ গিৰিয়েকে কৈছিল “শান্তি নাই বুজিছা শান্তি নাই”

মই ঘপককৈ ক’লো “ বৌ ক’ৰবাত গ’ল নেকি?”

নাই নাই তাই ক’তো যোৱা নাই বুলি মানুহজনে তলমূৰ কৰিলে৷

মই একো নুবুজি ক’লো তেন্তে আপুনি শান্তি নাই বুলি কি কৈ আছে মই হ’লে একো বুজা নাই৷

মানুহজনে দুখমনেৰে ক’লে “যিদিনাৰ পৰাই শান্তিক বিয়া কৰালো সেইদিনাৰ পৰাই মোৰ জীৱনত শান্তি নাইকিয়া হ’ল৷এফালে পত্নী শান্তি আহিল আনফালে জীৱনৰ শান্তি গ’ল”৷

হাঁহি ২

ল’ৰা : তোমাৰ নাম কি?

ছোৱালী : পিন্ধি দেখুৱাম নে খুলি দেখুৱাম?

ল’ৰা : (আচৰিত হৈ ) মানে?

ছোৱালী : মোৰ নাম পায়েল৷আপোনাৰ নাম কি?

ল’ৰা : মই দি দেখুৱাম নে লৈ দেখুৱাম?

ছোৱালী : মানে?

ল’ৰা : মানে মোৰ নাম পপ্পী৷

হাঁহি ৩

গাৰ্লফ্ৰেণ্ড : জানা তোমাক দ্বিতীয়বাৰ দেখোতেই মই প্ৰেমত পৰি গ’লো৷

বয়ফ্ৰেণ্ড : প্ৰথমবাৰ কিয় নপৰিলা?

গাৰ্লফ্ৰেণ্ড : প্ৰথমবাৰ মই জনা নাছিলো তুমি ইমান ধনী বুলি৷

হাঁহি ৪

গিৰিয়েকে JAGUAR গাড়ী এখন কিনি ঘৰলৈ নিলে৷ঘৈণীয়েকক SURPRISE দিম বুলি মনতে ভাবি কথাটো কোৱা নাছিল৷ঘৰলৈ গৈয়ে ঘৈণীয়েকক চকু দুটা জপাই দি বাহিৰলৈ লৈ আহি ক’লে

“চোৱাচোন কি আনিছো তোমালৈ”

গিৰিয়েকে হাত আতৰাই দিয়াৰ লগে লগে মানুহজনীয়ে গাড়ীখন দেখি কলে

“বা: বা: PUMA কোম্পানীৰ গাড়ী”

ঘৈণীয়েকৰ কথা শুনি মানুহজন ঠাইতে ঢলি পৰিলে৷শুনামতে তেওঁ হেনো বৰ্তমান ICU ত আছে৷

হাঁহি ৫

শাহু : বোৱাৰী তুমি ইমান ধুনীয়াকৈ চাটনি কেনেকৈ বনোৱা?

বোৱাৰী : বিশেষ একো নাই মা চাটনি পিচা সময়ত আপোনাৰ চেহেৰাটো মনলৈ আনি ল’ও তেতিয়া চাটনি পিচাত সহজ হৈ পৰে৷

হাঁহি ৬

পত্নী : আপুনি বহুত অকৰা টাইপৰ আপোনাক সহজতেই মানুহে ঠগিব পাৰে৷

পতি : (গহীনকৈ ) আৰম্ভণিতো তোমাৰ দেউতাই কৰিলে৷

হাঁহি ৭

পত্নী : মোৰ সংস্কাৰ ভাল লাগেনে সৌন্দৰ্য ভাল লাগে আপোনাৰ?

পতি : মোৰ তোমাৰ ধেমালি কৰা স্বভাৱটো ভাল লাগে৷

হাঁহি ৮

পতি : বিয়া হোৱাৰ আগতে তুমি বহুত মন্দিৰ গৈছিলা৷আজিকালি কিয় নোযোৱা হ’লা?

পত্নী : আপোনাৰ লগত বিয়া হোৱাৰে পৰা ভগৱানৰ ওপৰত থকা বিশ্বাস নাইকিয়া হ’ল৷

হাঁহি ৯

ৰাহুল :ছোৱালীৰ হাঁহি আৰু ম’হৰ কামোৰ প্ৰায় একেই !

ৰাজু : কেনেকৈ ?

ৰাহুল : চাল্লা দুইটাই টোপনি নাইকিয়া কৰি দিয়ে৷

হাঁহি ১০

চিংগল ল’ৰাবোৰৰ DIVORCE ৰ ফিলিং কেতিয়া আহে জানানে?

যেতিয়া কোনোবা ছোৱালীয়ে FACEBOOK WHATSAPP ত  ব্লক কৰি দিয়ে৷

কাৰ কথা শুনিবা তুমি ?

বহু জনে বহু ধৰণে কথা ক’ব তুমি কাৰ কথা শুনিবা৷ তুমি ভবা কথা এটা ১০০ জনৰ লগত আলোচনা কৰিলে হয়তো ১০০ জনে নিজৰ নিজৰ মতে মন্তব্য দিব৷ বহুকেইজনে তোমাৰ কথা শুনাৰ লগে লগে পাহৰি যাব বা আওকাণ কৰিব,কেইজনমানে হয়তো কথাটোৰ বিপক্ষে ক’ব আকৌ কেইজনমানে সপক্ষে ক’ব৷সকলোৱে নিজৰ নিজৰ ভাৱধাৰা অনুসৰি কথাটোৰ ব্যাখ্যা আগবঢ়াব৷তুমি কাৰ কথা শুনিবা? আনৰ কথামতে তুমি সফল বা বিফল হ’বা জানো? কিছুমান প্ৰশ্নৰ উত্তৰ আনক বিচৰাতকৈ নিজক বিচাৰিব লাগে৷তেতিয়া বহুখিনি সকাহ পোৱা যায়৷কিছুমান মানুহে তোমাৰ উন্নতি দেখি জ্বলিব,তোমাৰ বিফলতা দেখি হাঁহিব৷হয়তো তোমাৰ আশেপাশে থকা প্ৰায়খিনি মানুহে তোমাৰ ভাল দিনত সংগ দিব কিন্তু তোমাৰ বেয়া দিনত তোমাক এষাৰ মাত দিবলৈও নাহিব৷এবাৰ কিবা এটা ভুল কৰা বহুতে আঙুলি টোৱাই কথা কব হয়তো এজন বা দুজন লোকে তোমাক ভুলটোৰ শুধৰাবলৈ পৰামৰ্শ দিব৷জীৱনত হাঁহিবলৈ বহু মানুহ পোৱা যায় কিন্তু চকুলো মচি দিয়া মানুহ পাবলৈ টান! তুমি কেৰিয়াৰ সম্পৰ্কে হওক,প্ৰেম সম্পৰ্কে হওক,আন সম্পৰ্কে হওক যদি বহুজনৰ লগত কথা পাতা বা আলোচনা কৰা তেতিয়া গম পাবা ভিন্নজনে কেনেদৰে ভিন্ন ধৰণে উত্তৰ দিব৷জীৱনটো নিজৰ গতিকে কিছুমান ক্ষেত্ৰত নিজেই চিন্তা কৰি নিজেই সিধান্ত ল’ব লাগে৷ বহুজনৰ পৰা পৰামৰ্শ ললেও নিজেই ভালদৰে ভাবি চাই হে সিধান্ত ল’ব লাগে৷জীৱনটো দুদিনীয়া গতিকে সময় বহুত কম সেয়ে জীৱনত নিজৰ মতে সময় উপযোগী সিধান্ত ল’ব সিমানে সুখী হব পাৰিব৷আপোনাৰ শুভাকাংক্ষী সকলৰ পৰা কিন্তু যিকোনো কথাৰ পৰামৰ্শ ল’ব পাৰে৷তেওঁলোকে তোমাৰ বা আপোনাৰ বেয়া হোৱাটো নিবিচাৰে৷সময়ত লোৱা সঠিক সিধান্তই জীৱনত আগুৱাই যোৱাত ,জীৱনত সুখী হোৱাত সহায় কৰে৷আপুনি কাৰ কথা শুনিব নিজৰ মন বিবেকৰ নে আন কাৰোবাৰ সিদ্ধান্ত আপোনাৰ ?

হাঁহো আহক ২

হাঁহি ১

পুৰুষৰ কাজিয়া আৰু মহিলাৰ কাজিয়াৰ মাজত থকা পাৰ্থক্য কি জানেনে?

পুৰুষে কাজিয়া কৰিলে ৰক্ত ওলাই আৰু মহিলাই কাজিয়া কৰিলে তথ্য ওলাই৷

হাঁহি ২

এজন স্মাৰ্ট ল’ৰাই ছোৱালীৰ পৰা ফোন নম্বৰ লোৱাৰ বাবে এটা অভিনৱ উপায় উলিয়ালে৷সি প্ৰয়োগ কৰি চাবলৈ কলেজৰ ধুনীয়া ছোৱালীজনীক বাচি ল’লে৷কথা প্ৰসংগত সি তাইক কলে মই তোমাক এটা অংক কৰিবলৈ দিম যদি তুমি কৰিব নোৱাৰা তেতিয়া তুমি তোমাৰ ফোন নম্বৰটো মোক দিব লাগিব৷তাই তাৰ কথাত মান্তি হ’ল৷

সেই স্মাৰ্ট ল’ৰাটোৱে দিয়া অংকটো হ’ল

তোমাৰ ফোন নম্বৰটো × ১ = ? 

হাঁহি ৩

ৰাতিপুৱাই যদি আপুনি পত্নীৰ লগত বা গাৰ্লফ্ৰেণ্ডৰ লগত কাজিয়া লাগি আত্মসন্মান হেৰুৱা যেন লাগে তেন্তে চিন্তা নকৰিব ১০ মিনিটমান সময় কাষ্টমাৰ কেয়াৰৰ গৰাকীৰ লগত কথাপাতত আপোনাৰ আত্মসন্মান পুনৰ ঘুৰাই পাব৷

হাঁহি ৪

পত্নী : হেৰি মোৰ ফোনটো চাৰ্জত লগাই দিয়ক৷

পতি: গোটেই ৰাতি ফোন চাৰ্জত দিলে ফোন ব্লাষ্ট হৈ যাব৷

পত্নী:(হাঁহি ) চিন্তা নকৰিব মই বেটাৰীটো খুলি থৈছো৷

হাঁহি ৫

অভিনেত্ৰী আলিয়া ভাটে এখন কলেজ স্থাপন কৰিলে নাম দিলে “ আলিয়া ভাট বিজ্ঞান আৰু বাণিজ্য একাডেমি”

কেৱল ক’লা শাখাৰ বাবে৷

হাঁহি ৬

বাপেক: কাৰ লগত কথা পাতি আছিলি?

পুতেক : দেউতা এঞ্জেলৰ মাকৰ লগত কথা পাতি আছিলো৷

বাপেক : এঞ্জেল কোন এঞ্জেল?

পুতেক : এঞ্জেল মোৰ হবলগীয়া ছোৱালীজনীৰ নাম৷

হাঁহি ৭

পাপ্পু : জান’ ৰাজু ছোৱালী বিলাকৰে ভাল ৷

ৰাজু :(আচৰিত হৈ) কিয় ?

পাপ্পু : ছোৱালীবোৰ বিয়াৰ আগত পাপা কী পৰী আৰু বিয়াৰ পাছত ঘৰৰ লখিমী৷

ৰাজু : আৰু ল’ৰাবোৰ ?

পাপ্পু : ল’ৰাবোৰৰ কিনো বিয়াৰ আগত দেউতাকৰ পিটন খায় আৰু বিয়াৰ পাছত ঘৈণীয়েকৰ পিটন খায়৷

হাঁহি ৮

এদিন ৰাজুক অফিচৰ বচে খুউব গালি দি আছিল৷

বচ : কেতিয়াবা গাধ দেখিছা?

ৰাজু : (তলমূৰ কৰি ) নাই দেখা৷

বচ : তললৈ কি চাই আছা মোলৈ চোৱা

ৰাজু : ছাৰ মইতো আপোনাক মানুহ বুলিহে ভাবিছিলো গাধ বুলি জনা নাছিলো৷

হাঁহি ৯

এজন সাধু বাবাৰ এটি সৰু দুখ ল’গা কাহিনী৷

যাৰ বাবে তেওঁ সকলো মায়া মোহ ত্যাগ কৰি সাধু সন্যাসী হব লগা হ’ল সেইদিনা তাই শাহুৱেক আৰু গিৰিয়েকক লগত লৈ আহিছিল সন্তান হোৱাৰ আৰ্শীবাদ বিচাৰি৷

হাঁহি ১০

এজন মানুহে ঘৈণীয়েকৰ নম্বৰ দুটা এনেদৰে চেভ কৰিলে Wife 1 আৰু Wife 2 

এদিন ঘৈণীয়েকে ম’বাইলটো চাই থাকোতে দেখিলে ঘটনা বিষম৷ কথাটো ভাৱি হঠাতে এডাল লাঠি লৈ গিৰিয়েকক এফালৰ পৰা কোবাবলৈ লাগি গ’ল৷গিৰিয়েকক ইমানেই কোবালে যে তেওঁ চিকিৎসালয়ৰ বিচনাত হে চেতনা ( Sense ) ঘুৰাই পাইছে৷তেওঁক চিকিৎসা কৰি থকা ডাক্তৰজনক উপদেশ দি কৈছে যদি আপোনাৰ পত্নীৰ দুটা ফোন নম্বৰ আছে তেন্তে ভুলটো Wife 1 আৰু Wife 2 বুলি চেভ নকৰিব নহ’লে মোৰ দৰে দশা হব৷

হাঁহো আহক

হাঁহি ১

বিকাশ নামৰ ল’ৰাটোৱে প্ৰতিভা নামৰ ছোৱালীজনী বিয়া কৰালে৷ সিহঁতে নতুনকৈ সজা ঘৰটোৰ নাম দিলে “ প্ৰতিভা বিকাশ কেন্দ্ৰ”

হাঁহি ২

শ্ৰেণীত ইংৰাজী ছাৰ সোমায়েই ক’লে আজি তোমালোকে সকলোৱে নিজৰ নামটো ইংৰাজীত ক’ব লাগিব৷এফালৰ পৰা সুধি গ’ল৷হঠাৎ শ্ৰেণীৰ এজন ছাত্ৰই নিজৰ নাম যিটো কলে ইংৰাজী ছাৰে একো বুজিব নোৱাৰি আকৌ কলে 

শিক্ষক( আঙুলিৰে ইংগিত দি): তোমাৰ নাম কোৱাচোন?

ছাত্ৰ:মাই নেম ইজ ছাৰভেন্ট অফ দা গড

শিক্ষক:(আচৰিত হৈ) অসমীয়াত কি নাম তোমাৰ?

ছাত্ৰ: মোৰ নাম ভগৱান দাস ছাৰ৷আপুনি ইংৰাজীত ক’ব কোৱা বাবে মই তেনেকৈ ক’লো৷

ছাৰে ছাত্ৰৰ ইংৰাজী বিষয়ত পাণ্ডিত্য দেখি মাটিতে ঢলি পৰিল৷

হাঁহি ৩

মই তোমাৰ বাবে ভগৱানৰ পৰা

শান্তি

শক্তি

ভক্তি

প্ৰেম

প্ৰতাপ

সম্প্ৰতি

সংগ্ৰাম

চান

সফলতা

সমৃদ্ধি

সংস্কাৰ

সন্মান

স্নেহ

বিজয়

এই ১৪ টা ল’ৰা ছোৱালীয়ে হ’ব নে আৰু বিচাৰিব লাগিব?

হাঁহি ৪

ভগৱানৰ খং কেতিয়া উঠে জানেনে?

যেতিয়া বিয়া হৈ নোযোৱাকৈ কোনোবা ছোৱালী গৰ্ভৱতী হয় আৰু সেই ছোৱালীজনীৰ মাক দেউতাকে কয় “হে ভগৱান,এইয়া তুমি কি কৰিলা ?”

হাঁহি ৫

ল’ৰাবোৰৰ দুখ ল’গা কথা

১/ভাল ছোৱালীবোৰ ধুনীয়া নহয়

২/ধুনীয়া ছোৱালীবোৰ ভাল নহয়

৩/ভাল,ধুনীয়া ছোৱালীবোৰ চিংগল নহয়

৪/ভাল,ধুনীয়া,চিংগল ছোৱালীবোৰ বেছি পঢ়া শুনা নহয়

৫/চিংগল,ভাল,ধুনীয়া,পঢ়া,শুনা ছোৱালীবোৰে পাট্টা নিদিয়ে৷

কিমান যে দুখ.....

হাঁহি ৬

ক্লাছত এজনী ছোৱালীয়ে গান গাই আছিল৷ জাৰা জাৰা টাচ মি টাচ মি৷শ্ৰেণীৰে ৰাহুলে তাইক টাচ কৰি কলে সাহস আছে যদি পিছৰ লাইন টো গাই শুনা😊

হাঁহি ৭

মাকে সৰু ল’ৰাটোক কৈছে চোৱাচোন কিমান ধুনীয়া মাহী৷মাহীক চুমা এটা দিয়া৷সৰু ল’ৰাটোৱে উম নিদিও মাহীয়ে পিটিব৷

মাক:ইমান ধুনীয়া মাহীজনীয়ে কিয় পিটিব তোমাক?

সৰু ল’ৰাটো: কালি পাপাই মাহীক চুমা খাব লওঁতেই মাহীয়ে পাপাক কিয় মাৰিছিল?

হাঁহি ৮

ৰাৱণ এনেকুৱা এজন ব্যক্তি আছিল তেওঁ অকলেই সমবেত সংগীত গাব পাৰিলেহেঁতেন আৰু ধৃতৰাষ্ট্ৰ এনেকুৱা এজন ব্যক্তি তেওঁ অকলেই ঘৰতেই এখন বিদ্যালয় প্ৰতিষ্ঠা কৰিব পাৰিলেহেঁতেন!

হাঁহি ৯

ৰাতি সূৰ্য্যক দেখা পোৱা যায়নে?

মই কৈছো যায়৷

কাৰণ সূৰ্য্য নামৰ মানুহক ৰাতিও দেখা পোৱা যায়😊

হাঁহি ১০

শেষত এটা হাঁহিবলৈ ইংৰাজীলৈ অনুবাদ কৰিবলৈ আগবঢ়াই দিলো সকলোৰে বাবে

আপোনাৰ দেউতা মতা নে মাইকী?

প্ৰশ্নটো আচৰিত যেন লাগিছে নেকি?

মই কিন্তু প্ৰমাণ কৰি দিম মাইকী বুলি

সেই কথা মই নিজেই নকওঁ নিজৰ মুখেৰে আপুনি নিজেই ক’ব৷

তলৰ বাক্যশাৰী ইংৰাজীলৈ অনুবাদ কৰক আৰু প্ৰমাণ চাওঁক

“মোৰ দেউতা মোৰ চাবি”

@সকলোবোৰ জমনিৰ বাবেহে

বিনিময়

মানুহৰ জীৱনটো বাৰু কি

আছে কি ইয়াত

কচুপাতৰ পানীৰ দৰে কালৰ বুকুত

সকলো এদিন হেৰাই যায়

কোন কি আছিল আগৰ জন্মত

কালে সকলোকে নিয়ে পাহৰাই  !

হয় যদিও আমাৰ কেতিয়াবা  

এদিন সকলোৰে মৰণ

কি বিচিত্ৰ এই জীৱৰ জীৱন  ?

এজনৰ শ্ৰম,ত্যাগ,প্ৰচেষ্টাৰ বিনিময়ত

পৃথিৱীয়ে লাভ কৰে সৰ্বোত্তম উপহাৰ

কৰিব পাৰিছেনে পৃথিৱীবাসীয়ে

বিজ্ঞানৰ সৎ ব্যৱহাৰ  !

কিছুমান মহাপুৰুষ আহি দি গ’ল আমাক

আকাশৰ বিশালতা,সাগৰৰ গভীৰতাতকৈয়ো বেছি

কিছুমান নতুন অৱদান

কৰি গ’ল সমাজৰ কামবোৰ সমাধান৷

পৰিশ্ৰমীজনৰ কপালৰ ঘাম পৰে মাটিত

জীপাল হৈ উঠে পথাৰৰ শস্য

এই মহান পুৰুষ সকল আমাৰ সদায়

হওঁক যেন চিৰনমস্য  !

তেওঁলোকেহে বুজি পায় জীৱনৰ মহত্ত্ব

দেখুৱাই যায় পৃথিৱীবাসীক

জীৱনৰ আনটো নাম কি?

শ্ৰমেই বুজাব পাৰে সকলো মানুহক

মানুহ হোৱাৰ গৌৰৱ কি

জীৱনৰ মহত্ত্ব সকলোৱে নোৱাৰে বুজিব

মানুহ হ’ল নতুনত্বৰ সন্ধানকাৰী !

আধৰুৱা সপোনৰ মালিক

তোক কইনা সাজত চোৱাৰ হেপাঁহ

থাকি গ’ল মোৰ

বহুদিনৰ মূৰত আজি

তোৰ ফেচবুকত প্ৰফাইলটো চালো

হেই,তই আগৰদৰেই ধুনীয়াজনী হৈ আছ’৷

বহুদিন হৈ গল

মই ভালদৰে খাব শুব নোৱাৰা হলো

তোৰ বিয়াৰ দিনাৰ পৰাই

হয়তো মোৰ সুখৰ ঠিকনাবোৰ হেৰাই গ’ল!

তই জাননে মই এতিয়াও

যেতিয়াই তেতিয়াই তই দিয়া মেছেজবোৰ পঢ়ো

পাহৰি যাওঁ মই সেইবোৰ

অতীতৰ নে বৰ্তমানৰ

সকলোকে ফাঁকি দিলেও

নিজৰ গাৰুটোক ফাঁকি দিয়াটো বৰ কঠিন অ’

সিয়েই একমাত্ৰ জানে

সুখী কোন দুখী কোন?

এতিয়াও মই নষ্টালজিয়াৰ সাগৰত

মন গলেই  সাতুৰি ফুৰো

হেৰাই যোৱা সপোনবোৰৰ আত বিচাৰি ফুৰো

ক’তনো কি ভুল হৈ গ’ল

একোকে আজিলৈকে বুজি নাপালো

যোৱাৰ আগটো শিকাই থৈ নগলি

সুখী হোৱাৰ মন্ত্ৰ !

তোক কইনা সাজত চোৱাৰ হেপাঁহটো

মোৰ আধৰুৱা হৈ ৰ’ল

তই আনৰ হোৱাৰ দিনাৰে পৰা

আৰু এজন আধৰুৱা সপোনৰ মালিক হ’ল !

২৯/০৪/২০২০

এইখন আমাৰ দেশ

সোণেৰে গঢ়া এইখন আমাৰ দেশ

সোণোৱালী শস্যৰ দেশ

মানুহৰ উজ্জ্বল একোটি মনৰ দেশ৷

সূৰ্য্যৰ সোণালী কিৰণে আৱৰা

এইখন মোৰ দেশ

মইতো নাজানো মোৰ দেশখন

কোনে স্ৰৰজিলে 

কোনে নাম দিলে

আইৰ বুকুৰ সম্পদবোৰ 

আজি কোনে কাঢ়ি নিলে?

নাজানো মই এই দেশৰ

আকাশ,বতাহ,পানী,জীৱজন্তু

কোনে স্ৰৰজিলে ইয়ালৈ আহি

দেশৰ বাগিছাত চোৱা

ফুলিছে নানা ফুলৰ পাহি৷

এই দেশৰ মাটি 

এই দেশৰেই সকলো

থিয় হৈ আছে পৰ্বত-পাহাৰ

এইদেশ মোৰ অতি মৰমৰ

ক’তজনে এইদেশৰ মাটিত দিলে দেহা

তাৰ যে হিচাপ একো নাই

কিমানজনে ল’লে জনম

মোৰ আই সকলোৰে পালক

আই আছেহি কি যে বেশত৷

এইখন আমাৰ দেশ

কাৰো লগত তুলনা নাই

দিনক দিনে আমাৰ দেশ 

যায় যেন আগুৱাই৷

বতাহ আৰু ত’ৰা

ভাল লাগে দেহ মন

জুৰোৱা বতাহত বহি

নানা তৰহৰ কথা ভাবি,

ৰাতিৰ আকাশৰ তলত বহি

বৰ ভাল লাগে

আকাশৰ ত’ৰা লেখি৷

নানা প্ৰশ্নই জুমুৰি দি ধৰে

বহু কথাই আহে মনলৈ,

মন নাযায়নে বাৰু

ত’ৰাৰ লগত লুকাভাকু খেলিবলৈ৷

কিন্তু ভবা কথা নহয় সিদ্ধি

বাটত আছে কণা বিধি!

কৰি যোৱা কাম চেষ্টাৰ অসাধ্য একো নাই

নেওচি আগুৱাই যোৱা

জীৱন বাটৰ বিপদ বিঘিণি৷

অলপতে নহ’বা হতাশ

মনত লোৱা নতুন উদ্যম প্ৰেৰণা,

ভাবিলেই হব জানো পূৰণ

মনৰ বাসনা৷

বতাহৰ হো-হোৱনি

ত’ৰাৰ জিকমিক

সদায় আমি দেখিছো,

কিন্তু তাৰ আচল অৰ্থ আমি

কেতিয়াবা জানো ভাবি চাইছো?