তোমাক আপোন কৰি লৈ গ’ল

মই তোমালৈ বাটচাই ৰৈ থকাতে থাকিলো

কোনোবাই আহি তোমাক

আপোন কৰি লৈ গ’ল

বহু দিন ,বহু বছৰ সাঁচি ৰখা সপোনটি

নিমিষতে শেষ হ’ল৷

কোননো ভাগ্যৱান তেওঁ

তোমাক পালে যে লগৰী কৰি

তুমি বিহীন জীৱনত অসহ্য যন্ত্ৰণা

যাব খুজো মই মৰি ৷

দুচকু মুদিলেই দুচকু মেলিলেই

তুমি মোক দেখা দিয়া

দুচকুৰ চকুলোৰে দুগাল তিয়াই

দুখত চূৰ্ণ বিচূৰ্ণ হ’ল হিয়া ৷

সূদীৰ্ঘ এঘাৰটা বছৰ দহ মাহ দিন ধৰি

তুমি মোৰ হৃদয়ত আছিলা

কোনেনো আহি সপোন ভাঙিলে মোৰ

কিয় তুমি জানো এবাৰো

মোৰ কথা ভবা নাছিলা ?

তুমি গুচি গ’লা দূৰলৈ

থাকি গ’ল প্ৰতিছবি

কিদৰে জীয়াই থাকো কোৱা

তপত চকুলো মচি মচি৷

৯ অক্টোবৰ ২০১১

দিনৰ পিছত দিন গ’ল

দিনৰ পিছত দিন গ’ল

তথাপি মোৰ হ’লে পৰিৱৰ্তন নহল

লক্ষ্যৰ বিপৰীতে কি যে কৰিছো

অনিচ্ছাসত্বেও জপিয়াই পৰিছো

মনে নিবিচৰা কিছুমান কামত৷

মই কথা দিয়াৰ বাবেই

তোমালৈ বাটচাই ৰম

কিজানি তোমাক ভালপোৱাৰ বাবেই

জীয়াই থকাৰ প্ৰেৰণা পাইছো !

তুমিও এবাৰ মোক ভালপাই চোৱানা

সপোনৰ পিছে পিছে দৌৰি

একদম পগলা হৈ পৰিলো

মোৰ দৰে আৰু কিমানৰ স্বপ্নভংগ হয় ?

কৰিব লগা খিনি কৰিছো কিন্তু

প্ৰাপ্য মোৰ লাভ হোৱা নাই

মই নিৰুপায় ৷

চোৱা তোমাৰ নাম মই হাতত

লিখি ৰখা নাই আৰু নাৰাখো

কিয়নো তোমাক যে ৰাখিছো

মই প্ৰতিপলে বুকুৰ মাজত ৷

১৫/১২/২০১০