হাঁহিবোৰ বন্ধকত দি হাঁহিবলৈ শিকিছো😃😄😁😆
হাঁহিবোৰ বন্ধকত দি
হাঁহিবলৈ শিকিছো
নাই ৰং নাই কেনভাচ
বালিতেই ৰঙীন ছবি আঁকিছো৷
সপোনবোৰ হেৰুৱাই
বাস্তৱৰ সৈতে একাত্ম হ’বলৈ শিকিছো
পোৱা নোপোৱাৰ জটিল অংকবোৰ
দিন ৰাতিৰ ডায়েৰীৰ পৃষ্ঠাত লিখিছো!
এসমত পাখি লগা মন
এতিয়া সঁজাত বন্দী পখী
লাহে লাহে মানুহ চিনিবলৈ শিকিছো
কমিছে এতিয়া আত্মীয় কুটুম্ব সখী৷
সৰুতেই আছিল বহুত ভাল
নিৰ্ভয়ে নিচিন্তে আছিলো মাৰ কোলাত শুই
এতিয়া চাৰিওফালে মাথো
দুখ যন্ত্ৰণা ব্যৰ্থতা আৰু হতাশাৰ জুই!
বিচাৰিলেই সকলো পালে
পৃথিৱীত কোনো দুখীয়েই নাথাকে
বেইমান ভগ্ন হৃদয়খন আৰু মনটোৱে
কিছু কথা নুবুজে নেমানে৷
লাহে লাহে বুজিব পাৰিছো
ভগৱানৰ চাবি দিয়া পুতলা আমি
কল্পনা সপোনৰ জগতখন সস্তীয়া ন
বাস্তৱবোৰ বহুত দামী৷
০৫/০৭/২০২২
