পতি পত্নীৰ কৌতুক

কৌতুক ১:

পত্নী : পূজা কৰিলে বিপদ বিঘিণি আতৰ হয়৷

পতি : উম কথাটো হয়৷ তোমাৰ দেউতাই চাগৈ বহুত কৰিছিল সেইবাবে বিপদ মোৰ ডিঙিত আহি ওলমি ৰ’ল৷

কৌতুক ২ :

পত্নী : আপুনি মূৰত কেনেকৈ দুখ পালে?

পতি : মোৰ বন্ধু ৰাহুলে মাৰিলে৷

পত্নী : কিয় ? আপুনিও মাৰিব নোৱাৰিলে !

পতি : কেনেকৈ মাৰিম তাৰ ঘৈণীয়েকক কোচত বহুৱাই কথা পাতি থাকোতে দেখি পিতিলে৷

পত্নী : ( ৰণচণ্ডী মূৰ্তি ধৰি ) ৰ’ব মইও দি আছো ৷( এইবুলি লাঠি এডালেৰে খেদি গল)

কৌতুক ৩:

পতি : আজিকালি তুমি মদ,চিগাৰেট,গুটখা খালেও একো নোকোৱা হ’লা আগতে বহুত বাধা দিছিলা?

পত্নী : সিদিনা LIC এজেণ্টজন আহিছিল কথাবোৰ ধুনীয়াকৈ বুজাই গৈছে৷

কৌতুক ৪:

(ৰেলৱে ষ্টেচনত ৰেলখন ৰখোৱাৰ লগে লগে )

পত্নী : বহুত পিয়াহ লাগিছে পানী এবটল লৈ আহিব৷

পতি : পানীৰ লগতে চিঙৰা আৰু ৰসগোল্লা লৈ লৈ আহিম নেকি?

পত্নী : ( মিছিকিয়াই হাঁহি ) উম লৈ আহিব৷

পতি : ( কৃপণ গিৰিয়েকৰ মন্তব্য ) লোভত যিকণ পানী ওলালে সেইকণেই এতিয়া কাম চলাই ল’৷

কৌতুক ৫:

পত্নী : মোক কেনেকুৱা লাগিছে৷

পতি : বহুত ধুনীয়া ৷

পত্নী : কিমান বহুত

পতি : বহুত বহুতেই আৰু

পত্নী : কোৱানা কিমান বহুত?

পতি: ইমানে বহুত ধুনীয়া লাগিছে যে তোমাৰ নিচিনা আৰু চাৰি পাঁচজনী মান বিয়া কৰাও যেন লাগিছে৷

কৌতুক ৬:

এজন মানুহলৈ এটা অচিনাকি নম্বৰৰ পৰা ফোন আহিল ৷তেওঁ ৰিচিভ কৰিলে৷ ৰিচিভ কৰাৰ লগে লগে সিফালৰ পৰা সুন্দৰ নাৰী কণ্ঠ ভাহি আহিল৷

:হেল্ল

: হেল্ল

:হেল্ল কোনে ক’লে ?

: মই মানে আপোনাক কথা এটা সুধিবলৈ ফোন কৰিছিলোঁ৷

: উম সুধক

: আপুনি বিবাহিত নে?

: নাই নাই বিয়া বাৰু পতা নাই

:ঘৰলৈ আহ কুকুৰ মই তোৰ ঘৈণীয়েৰে ফোন কৰিছিলো৷

কৌতুক ৭:

পত্নী : তোমাৰ মূৰটোৰ একো কাম নাই একদম বেকাৰ৷

পতি :(হাঁহি ) উম হয় ,হয় শুদ্ধ কথা নহলেনো মই তোমাক বিয়া কৰাওনে?

কৌতুক ৮:

ঘৈণীয়েকে গিৰিয়েকক আঙুলিৰ চিগনেল দি মাতিলে৷

গিৰিয়েক উঠি আহি ঘৈণীয়কৰ ওচৰত আহি কলে, কি হ’ল কোৱা৷

ঘৈণীয়েকে হাঁহি ,একো হোৱা নাই আঙুলিৰ POWER টো জুখি চালো৷

কৌতুক ৯:

পত্নী : বন্দুক লৈ দুৱাৰ মুখত কি কৰি আছে?

পতি : মই বাঘ চিকাৰ কৰিবলৈ যাওঁ৷

পত্নী : তেন্তে কিয় যোৱা নাই ?

পতি : বাহিৰত কুকুৰ কেইটামান ৰৈ আছে৷

কৌতুক ১০:

পতি : তোমাৰ দেউতাই কটা ঘাত নিমখ লগাই বহুত ভালপায় ন’৷

পত্নী : কি হ’লনো ?

পতি : আজি আকৌ সুধিছে মোৰ ছোৱালীক বিয়া কৰাই সুখীনে তুমি৷