তোমাক মই বিচাৰি যাম,
যদিও তুমি মোক পাহৰি গ’লা
তোমাক এবাৰ নয়ন জুৰাই চাম৷
ঠিকনাবিহীন যাত্ৰা কৰিম
মই তোমাক বিচাৰি,
ক’ত আছা কেনেদৰে আছা
কিয় গ’লা ঠিকনাবিহীন হৈ আতৰি৷
যদিও তুমি মোক একো বুলি নাভাবা
তথাপি তোমাক বিচাৰি যাম,
এখন্তেক যদি ভগৱানক পাহৰিছো
পাহৰা নাই তোমাৰ নাম !
তুমি বিহীন জীৱন অসহ্য যন্ত্ৰণা
সেইবুলি তোমাক আজুৰি নানো জীৱনলৈ,
কেনে আছা,কি কৰি আছা জানিব মন যায়
সেইবাবে যাম তোমাক চাবলৈ !
তুমি যদি পাহৰি গৈছা মোক
মোৰ ক’বলগীয়া একো নাই,
মোৰ হৃদয়ত তুমি মাথোঁ তুমি
তাৰ বাহিৰে একো নাই ৷
১৭/১১/২০১১
