আৰম্ভ হ’ব নতুন জীৱন
সুখ দুখ জীৱনত থাকিবই
হাঁহিবোৰ এদিন কাষলৈ আহিবই৷
সময় যাব আগুৱাই
সপ্তাহ,মাহ বছৰ কৰি
যোৱাবোৰ যাবলৈ দিয়া
নালাগে ৰাখিব ধৰি৷
এই ধৰণীত চোৱা হ’ব পাৰি
প্ৰকৃতিৰ প্ৰেমত বিলীন
নতুন কিবা পিন্ধি লোৱা
মন নকৰিবা মলিন৷
ল’গ পাবা চিনি পাবা
বুজিবা ক্ষন্তেকীয়া সকলোবোৰ
হাঁহিৰো দাম আছে
মূল্য আছে চকুলোৰ৷
সপোনৰ পম খেদি
দৌৰ মাৰা বাস্তৱৰ পাছত
দেখিবা এদিন সকলোবোৰ আছে
তোমাৰ কাষত ৷
০৯/০৬/২০২১
No comments:
Post a Comment