বহুদিনৰ আগৰ কথা
এক আছিল ডাঙৰ ৰজা
কওঁ শুনা বৰ মজা
ৰজাই খাই ভাল পাইছিল
লেটা আৰু গাহৰি ভজা৷
ৰাণী আছিল দুজনী
ৰজাই কৰে বহুত মৰম
নেমু চৰ্বত,কুহিঁয়াৰ ৰস খাই
যেতিয়া হয় গৰম৷
সেই ৰজাৰ লগত এদিন মোৰ
হ’ল দেখাদেখি
মই এলেহুৱা ৰজা বুলি কওঁতে
আহিল মোক খেদি৷
ৰজাৰ সৈন্যই খেদি অহা দেখি
প্ৰাণটাকি দৌৰিলো
থতমত খাই দেখিলো
বিচনাৰ পৰাহে পৰিলো৷
এতিয়া বিষত থাকিব নোৱাৰি
লগাই আছো মলম
বাটেৰে এজনে কৈ গ’ল বিয়া পাতি ল’
হৈছে কিন্তু পলম৷
তই দিবি কাপোৰ কানি
তাই দিব ভাত পানী
তই হবি তোৰ ৰাজ্যৰ ৰজা
তাই হ’ব তোৰ ৰাণী৷
No comments:
Post a Comment