নতুন দিনৰ নতুন সময়ৰ যাত্ৰী
হৈ আহিছো আমি পুৰণি সময়ক
বিদায় দি অভিযাত্ৰী৷
চিন্তা কৰা তুমি বৰ্তমানৰ
প্ৰতিটো মুহূৰ্তৰ কথা
কালিলৈ আহিবলগা দিনটো
মাথো মনৰ এক অবুজ কল্পনা!
চকুমেলি ভালদৰে চোৱা তুমি
কি নাই আজিৰ দিনটোত
অতীতক সুৱৰি,
ভৱিষ্যতৰ সপোন ৰচি
নলগাবা লেঠা
জীৱনৰ শুভময় হব খোজা ৷
আজিৰ দিনটোতেই সকলো আছে
আজি হেৰাই গলে
নোপোৱা আৰু কেতিয়াওঁ
আজিৰ দিনটোত ভালদৰে তুমি
এজন সুস্থমানুহ হৈ উঠা
যোৱা দিনবোৰ সুখৰ স্বপ্ন
আহিব লগা দিনটো মাথো কল্পনা!
হাঁহিমুখে আহা সকলোৱে
আজিৰ দিনটো গ্ৰহণ কৰো
আহিবলগা কল্পনাৰ দিনটোৰ
মধুৰ সপোন ৰচো৷
No comments:
Post a Comment