মই তোমাৰ প্ৰেমত পৰিছো

মই তোমাৰ প্ৰেমত পৰিছো

মই তোমাক কাষতে বিচাৰো

বিচাৰো আৰম্ভ কৰিব 

তোমাৰ সৈতে প্ৰেম -ভালপোৱা !

তোমাৰ দুখত দুখী

তোমাৰ সুখত সুখী

চুমাৰে উপচাই দিব বিচাৰো

তোমাৰ দুখনী সেন্দুৰীয়া গাল৷

মই কেতিয়াও তোমাক কিতাপৰ দৰে

মেলি জপাই চাব নিবিচাৰো

মই একো বিচৰা নাই

মাথোঁ বিচাৰিছো তোমাক !

মই জানিব খোজা নাই

তোমাৰ ধৰ্ম,ভাষা,বৰ্ণ,জাতি

অথবা অতীতৰ ইতিহাস৷

তুমি হয়তো ঊষাৰ দৰে নহবওঁ পাৰা

সেইটো মোৰ চিন্তাৰ কথা নহয়

কেৱল মোৰ কথাত ৰাজি হ’লেই হ’ল৷

মোৰ দুখৰ দিনত তুমি

জুৰ মলয়াৰ দৰে থাকিবা

হৃদয় দেহমন জুৰ পেলাবলৈ

মধুৰ গান গুনগুনাই থাকিবা৷

মৰমত দিবা এষাৰী সুৱলা মাত

বেমাৰত মূৰত বুলাই দিবা হাত

বিশ্বাসৰ এনাজৰীয়ে মেৰিয়াই বান্ধিবা

ভোকত দিবা সযতনে ৰন্ধা এমুঠি ভাত৷

মই তোমাক ভালপাওঁ

তোমাৰ কপালত আঁকিব বিচাৰো

মোৰ অনামিকা আঙুলিৰে সেন্দূৰীয়া বেলি

জিলিকি থাকিব উজ্জ্বল বৰ্নালী

কোৱা মোক ভাল পোৱানে তুমি?

কটাব বিচাৰো তোমাৰ লগত

সুখৰ এখনি সংসাৰ

সৃষ্টি কৰিব বিচাৰো নতুনত্ব

কোৱা ৰাজিনে তুমি?