পলুৱাই লৈ যাম চাইনা
দেখুৱাম গৈ চিংগাপুৰ
তোমাক পালে দিঠক হ’ব সপোনবোৰ৷
বাৰিষাৰ নদী পানী কোবাল
তোমাক দেখিবলৈ লাগে ভাল
মই একো নজনাকৈয়ে
মাৰিলা কিহৰ জাল ?
কোৱা কোৱা
মৰম মোক দিম বুলি
থাকিবা সদায়
মোৰ হিয়াত ফুলি৷
বিয়া পাতিম কামাখ্যাত
মৰমক সাক্ষী কৰি
তুমি বাৰু ৰাজীনে
কোৱানা লাহে কৰি৷
পখিলা উৰে ডালে ডালে
দেখি জান ঐ ভাল লাগে
মাইনা তুমি ধুনীয়া
তোমাক দেখিলে কলিটিয়ে পাহি মেলে৷
ৱেলিংটন,ভেটিকান চিটি
সকলো তোমাক দেখুৱাম
হিয়াত অংকিত হ’ল
মাইনা তোমাৰ নাম৷
ভোক পিয়াহ নলগা হ’ল
থাকো তোমাৰ কথা ভাবি
একেৰাহে সপোনত
আহা দিন ৰাতি৷
ফাগুন - চ’তত ফুলে আম
ডালত লাগে কঠাল
ৰৈ যোৱা নদীখনৰ
সোঁত হয় যে কোবাল !
এসাঁজ খাই এসাঁজ নাখাই হলেও
বনাই দিম সোনৰ আঙুঠি
সজা নাই প্ৰতিমা
আঁকিলো তোমাৰ প্ৰতিছবি৷
No comments:
Post a Comment