প্ৰথম প্ৰেমৰ উপহাৰ

অতি মৰমেহে বোলে আঘাত হানে হৃদয়ত

সঁচা মৰমৰ জাল ফালি গ’লা তুমি

লগৰী নোহোৱা মোৰ জীৱনত ৷

তুমিতো নুবুজিলা 

তুমি মোৰ কিমান মৰমৰ

কিয়নো হৈ আহিছিলা

ৰাতিৰ কোঁৱৰী সপোনৰ৷

এতিয়া সপোনত দেখিলেই তোমাক

উঠো চক্ খাই সাৰ পাও

বৰ ভয় লাগে

তপত চকুলো দুধাৰী দুগালেদি নামে

উজাগৰী ৰাতি দুখেৰে কটাওঁ ৷

নিৰৱে উচুপো

চকুলো মোহাৰো

তুমিতো বুজি নোপোৱা

বুজি পোৱা হ’লে মোক তুমি এৰিথৈ

কেতিয়াও আনৰ নোহোৱা৷

নাই মোৰ একো নাই

ধন টকা পইছা

সেইবাবেই অভিযোগেৰে আতৰিব খুজিছা

মোৰ কথাভাবি তোমাৰতো নপৰে

তপত চকুলো দুধাৰী !

ইমান মৰমৰ বিনিময়ত পালো মই

কেৱল তোমাৰ প্ৰতাৰণা

এয়াই হয়তো মোলৈ তোমাৰ

জীৱনৰ প্ৰথম প্ৰেমৰ উপহাৰ৷

পাহৰিব নোৱাৰো কেতিয়াও মই তোমাক

উপহাৰ বোকোচাত বান্ধি মই 

ঘুৰি ফুৰিম বাটে বাটে

মই মৰিলে কোনেনো

জুই জ্বলাব চিতাতে ?

আকৌ আহানা কাষত

স্মৃতিত আহি আহি

ভুমূকি মাৰা কিয়

তুমিয়েই কৈছিলা ভাল লাগে তোমাক

তুমি মোৰ প্ৰিয়৷

এটা সৰু কথাতেই

দিলা দূৰলৈ দলিয়াই

দিব পাৰিলানে তুমি

মোক মনৰ পৰা উলিয়াই৷

মনত থাকিব মোৰ

তোমাৰ লগত পাৰ কৰা সোণালী সময়

ইমান দিনে মোক

তিলমানো নুবুজিলা নহয়৷

অতীতৰ কথা মনত পৰিলে

গোটেই নিশা নাহে টোপনি

মোৰ কাষলৈ কেতিয়াও নাহো বুলি

ক’ত ধৰিলা খোপনি?

যদি কেতিয়াবা বুজি পোৱা

বুজি পাবা জানো সোণ

তুমি থাকোতে পূৰ্ণিমাৰ আৰু

নাই বাবে আঁউসীৰ জোন৷

যদি কেতিয়াবা সময় হয়

মোৰ কথা ভাবি চাবা

মই একেই আছো

একেদৰেই পাবা৷

ভুলবোৰ দোষ বোৰ আতৰাই

আকৌ এবাৰ আহানা কাষত

স্মৃতি বোৰ আহি আহি 

কৰিছে বিষ বুকত৷

উপলব্ধি

বহুজনক কাষত পায়ো আজি

মই অকলশৰীয়া এজন পথিক

কোনোবাই যেন মোক কিবা

দিম বুলি আশা দেখুৱাই

চূড়ান্ত প্ৰতাৰণা কৰিছে ৷

আৰু কেতিয়াবা মই পাই

হেৰুৱাৰ বেদনাত আহত

একোটা পক্ষীৰ দৰে চটফটাই থাকো !

অমাৱস্যাৰ অন্ধকাৰ আকাশ

গোটেই মুছাফিৰ খানাটো আন্ধাৰে গিলি পেলাইছে

আহিছে এচাটি চেঁচা বতাহ

ৰাতিটো তাতে কটাম বুলি টোপোলাৰ পৰা

কাপোৰ পাৰিছো চকুত ভাহিছে

অসংখ্য চিনাকি ছবি

কিন্তু মইতো আজি অকলশৰীয়া

আছো মই ৰুগ্ন মুছাফিৰ খানাটোত !

চৰাই

নানা চৰাইৰ নানা মাত

মই সদায় শুনিবলৈ পাইছো

সিহঁতৰ গীত যেন মাতত

দুখতো আনন্দ লভিছো৷

ফুলনি বা নিৰ্জন এটুকুৰা ঠাইত

শুনিছো সদায় মই সিহঁতৰ গীত

আছেনে বাৰু সিহঁতৰ দুখ সুখ

সিহঁত বোলে আনন্দ জিৎ৷

বৰ ভাল লাগে হিয়াখন যায় পমি

ক’ব নোৱাৰা হওঁ এক মধুৰ তৃপ্তিত

ক’তো পোৱা নাযায় সেই সুখ

নানা চৰাইৰ নানান গীত৷

শান্তিৰ দূত ৰূপে পঠিয়ালে ভগৱানে

আমাৰ পৃথিৱীলৈ বুলি

বিলাই সকলোৰে মাজত আনন্দ

গছৰ ডালে ডালে পৰি৷

নানান স্বৰেৰে নানান গীত গায়

আনন্দত বিভোৰ হৈ পৰো

মইও যদি হলোহেতেন চৰাই

ফুৰিলো হেতেন গছে বনে অনাই বনাই৷

ভাললগা আৰু ভালপোৱা ( Love at First Sight )

একো নজনাকৈ একো নুবুজাকৈ প্ৰথম দেখাতে কাৰোবাক ভাল লাগিব পাৰে সেইটো ডাঙৰ কথা নহয়৷সেই প্ৰথম দেখাতেই চিনাকি নোহোৱাকৈয়ে তেওঁ আমাৰ সপোনত মন মগজুত আহিব পাৰে৷যদি প্ৰতি মুহূৰ্ততে সেই সময়ৰ বা নিৰ্দিষ্ট ব্যক্তিজনৰ কথাই ভাবি থকা হয় তেওঁৰ ছবিখনে মন মগজুত থিতাপি লোৱাটো স্বাভাৱিক কথা৷সপোনত দিঠকত প্ৰতিপল তেওঁৰ কথাই আহি আমনি কৰিব তেওঁক লৈ নানা কথাভাবি ভাল লাগিব !ভাবি ভাবি কথাবোৰ নতুনকৈ ভাবি ভাল লাগিব আৰু লাহে লাহে সেই ব্যক্তিগৰাকীয়ে আমাৰ হৃদয়খনত বহি ল’ব৷এনেকৈ এদিন দুদিনৰ বা সেই প্ৰথম দেখা মুহূৰ্ততে সেই ভাললগা বোৰকে ভালপোৱা ভাবি প্ৰেমত পৰি যাওঁ৷

তেওঁৰ বিষয়ে জানিবলৈ , তেওঁক দেখা পাবলৈ হাবাথুৰি খাওঁ৷লাহে লাহে যেতিয়া তেওঁৰ বা ব্যক্তিগৰাকীৰ বিষয়ে সকলো জনা হয় হয়তো তেওঁক আগতকৈ বেছি ভাল লগা হয় বা একেবাৰে ভাল নলগা হয়৷কিন্তু সেই নিৰ্দিষ্ট ব্যক্তিজনৰ আমাৰ প্ৰতি যদি তেনে কোনো ভাৱ আৱেগ অনুভূতি নাথাকে তেন্তে সেইটো কোনো ডাঙৰ কথা নহয় ৷ কাৰণ সকলো মানুহৰে চিন্তাধাৰা বেলেগ,ভাব ভংগী বেলেগ আৰু তেওঁ নিজৰ বিচাৰ বিবেক বুদ্ধিৰেই সকলো কথা ভাবিব৷সেইবাবেই কাৰো বিষয়ে একো নজনাকৈ হোৱা ভাললগা বোৰক ভালপোৱা বুলি ভাবিব নালাগে৷

৩০ জুলাই ২০২১