মই অকলশৰীয়া এজন পথিক
কোনোবাই যেন মোক কিবা
দিম বুলি আশা দেখুৱাই
চূড়ান্ত প্ৰতাৰণা কৰিছে ৷
আৰু কেতিয়াবা মই পাই
হেৰুৱাৰ বেদনাত আহত
একোটা পক্ষীৰ দৰে চটফটাই থাকো !
অমাৱস্যাৰ অন্ধকাৰ আকাশ
গোটেই মুছাফিৰ খানাটো আন্ধাৰে গিলি পেলাইছে
আহিছে এচাটি চেঁচা বতাহ
ৰাতিটো তাতে কটাম বুলি টোপোলাৰ পৰা
কাপোৰ পাৰিছো চকুত ভাহিছে
অসংখ্য চিনাকি ছবি
কিন্তু মইতো আজি অকলশৰীয়া
আছো মই ৰুগ্ন মুছাফিৰ খানাটোত !
No comments:
Post a Comment