আমাৰ উপায় নাই

আমিয়েই ভাঙো আমিয়েই পাতো

আমিয়েই বোলে সকলো

আমাৰ ওপৰতেই চলে শোষণ

আমাকেই কৰে শাসন

আমিয়েই শিৰ নত কৰি

পাতি দিওঁ আসন৷

প্ৰলোভন দি আমাক বহুতেই ঠগে

সমাধান বিচাৰি আমাৰ কাষলৈ আহে

দেশপ্ৰেমিকৰ বক্তৃতাত যেন মুকুতাহে সৰে

কেতিয়াবা এমুঠি এসাঁজ খাই

আমি দেখো ৰঙীন স্বপ্ন!

আমিয়েই বোলে ৰজা

আমিয়েই প্ৰজা

কথাষাৰ জানো সঁচা?

আমাক বাৰে বাৰে ঠগা টোৱেই

ভুৱা গান্ধী,নেহৰুৰ পেছা!

ক’ৰবাত বন্দুক বাৰুদৰ আঘাতত

আমাৰেই প্ৰাণ যায়

প্ৰকৃতিয়েও বাৰে বাৰে আমাক কন্দুৱাই

আমি দুখীয়া নিচলা জনসাধাৰণ

আমাৰ উপায় নাই

আমাৰ উপায় নাই৷