মহানুভৱ

অকল নিজেই জীয়াই থাকি

বিলাসী জীৱন যাপন কৰি

জীৱন কটাবলৈ চাব নালাগে

নিজেই ভালদৰে জীয়াই থাকি

আনকো জীয়াই তুলিবলৈ চেষ্টা কৰিব লাগে৷

দেখিছো সদায় চকুৰ আগত

এটা পৰুৱাই সৰহ খাদ্যৰ

সন্ধান পালে আনকো মাতি লৈ যায়

সকলোৱে মিলিজুলি ভগাই খায়৷

মানুহে যদি মানুহৰ কথা ভাবে

কৰে সকলোৱে সকলোকে মৰম

সুখ আৰু দুখেই আমাৰ জীৱন

সাৰ্থক হব আমাৰ মনুষ্যৰ জীৱন৷

মহানুভৱতাৰে ভাৱি চাওঁ আহা

জীৱশ্ৰেষ্ঠ মানুহ আমি

আমি যদি নাভাবো পৃথিৱীৰ কথা

কোনেনো চাব ভাবি!

জানিবলগীয়া কথা ৯

১/ভাৰত নাট্যম সাংস্কৃতিক জগতখনত অতিকে জনপ্ৰিয় শাস্ত্ৰীয় নৃত্য ৷ আপুনি জানেনে ভাৰত নাট্যমৰ ভাৰত শব্দটোৰ প্ৰকৃৃত অৰ্থ কি?

উত্তৰ: ভাব,ৰাগ আৰু তাল

২/ভাৰতৰ বৃহত্তম জিলাখনৰ নাম কি?

উত্তৰ:বিশাখাপট্টনম

৩/FAO বা খাদ্য আৰু কৃষি সংস্থাৰ প্ৰধান কাৰ্যালয় ক’ত?

উত্তৰ:ইটালীৰ ৰোম চহৰত

৪/শূন্যৰ আৱিষ্কাৰ কোন দেশত হৈছিল?

উত্তৰ:ভাৰতত

৫/শূন্যৰ আৱিষ্কাৰ কোনে কৰিছিল?

উত্তৰ:আৰ্যভট্টই

৬/আহোমসকলে অসমত কিমান বছৰ ৰাজত্ব কৰিছিল?

উত্তৰ:প্ৰায় ৬০০ বছৰ

৭/বৃটিছ কোম্পানীয়ে অসমত তেওঁলোকৰ প্ৰথমে ক’ত ৰাজধানী পাতিছিল?

উত্তৰ:চেৰাপুঞ্জীত

৮/পৰ্তুগীজসকলে কেতিয়া গোৱা দখল কৰিছিল?

উত্তৰ:১৫১০ চনত

৯/বাৰানসীত সংস্কৃত কলেজ কেতিয়া স্থাপন কৰা হৈছিল?

উত্তৰ:১৭৯২ চনত

১০/মহিলা শিক্ষাৰ বাবে ১৯১৬ চনত প্ৰথম বিশ্ববিদ্যালয় ক’ত স্থাপন কৰা হৈছিল?

উত্তৰ:পুণেত৷

১১/ভাৰতত প্ৰথমে উপনিৱেশ কোনে স্থাপন কৰিছিল?

উত্তৰ: পৰ্তুগীজসকলে

১২/ইংৰাজ বণিকসকলে ইষ্ট ইণ্ডিয়া কোম্পানী কেতিয়া গঠন কৰিছিল?

উত্তৰ:১৫৯৯ চনত

১৩/ইষ্ট ইণ্ডিয়া কোম্পানীয়ে কেতিয়া চুৰাটৰ পৰা বোম্বাইলৈ (বৰ্তমান মুম্বাই) কাৰ্যালয় উঠাই নিছিল?

উত্তৰ:১৬৮৮ চনত

১৪/ফৰাছী ইষ্ট ইণ্ডিয়া কোম্পানী কেতিয়া স্থাপন হৈছিল?

উত্তৰ:১৬৬৪ চনত

১৫/ইষ্ট ইণ্ডিয়া কোম্পানীয়ে ফাৰুকছিয়াৰৰ পৰা ফৰমান কেতিয়া আদায় কৰিছিল?

উত্তৰ:১৭১৫ চনত

১৬/ইংৰাজসকলে প্ৰথমে ক’ত বাণিজ্য কুঠি স্থাপন কৰিছিল?

উত্তৰ:চুৰাটত

১৭/১৬৯০ চনত কোনে কলিকতা নগৰ স্থাপন কৰিছিল?

উত্তৰ: জব ছাৰ্ণকে

১৮/নিজাম কোন ৰাজ্যৰ শাসকৰ উপাধি আছিল?

উত্তৰ:হায়দৰাবাদ

১৯/কোন সেনাপতিৰ বিশ্বাসঘাতকতাৰ ফলত চিৰাজ-উদ-দ্দৌলা পলাচীৰ যুদ্ধত হাৰে?

উত্তৰ:মিৰজাফৰৰ

২০/চুৰাটত প্ৰথমে বাণিজ্য কুঠি স্থাপন কৰা দেশ দুখনৰ নাম কি কি?

উত্তৰ:ইংলেণ্ড আৰু ফ্ৰান্স

জানিবলগীয়া কথা ৮

১/কহিনুৰ হীৰাৰে নিৰ্মিত সিংহাসন ভাৰতৰ পৰা কোনে লৈ গৈছিল?

উত্তৰ: নাদিৰ ছাহে

২/মোগল সেনাপতি মিৰজুমলাৰ হাতত পৰাস্ত হোৱাৰ পাছত আহোম স্বৰ্গদেউ জয়ধ্বজ সিংহই সম্ৰাট আজমতাৰালৈ নিজৰ জীয়াৰী ৰমণী গাভৰুক বিয়া দিছিল৷ৰমণী গাভৰুক মোগল বুৰঞ্জীয়ে কি বুলি উল্লেখ কৰিছে?

উত্তৰ:ৰহমত বানু বেগম

৩/ভাৰতত মোগল সাম্ৰাজ্য প্ৰতিষ্ঠাপক জহিৰুদ্দিন মহম্মদ বাবৰৰ আত্মজীৱনী খনৰ নামটো কি?

উত্তৰ:তুজুক ই বাবৰী

৪/কোনজন মোগল সম্ৰাটৰ নামটোৰ অৰ্থ সিংহ?

উত্তৰ:বাবৰ

৫/কোনজন মোগল সম্ৰাটেে প্ৰজাৰ অভাৱ অভিযোগ শুনিবলৈ “ন্যায়ৰ শিকলি” নামেৰে সোণৰ শিকলি এডালত ত্ৰিশটা ঘণ্টা লগাই বহুদূৰলৈকৈ আঁৰি থৈছিল আৰু এই ঘণ্টা বজাই দিয়াসকলৰ অভিযোগ শুনিছিল?

উত্তৰ: আকবৰ

৬/দিল্লীৰ লালকিল্লা কোনে সজাইছিল?

উত্তৰ:সম্ৰাট ছাহজাহানে

৭/শৰাইঘাটৰ যুদ্ধত আহোমৰ সেনাপতি আৰু মোগলৰ সেনাপতি দুজনৰ নাম কি কি?

উত্তৰ: আহোমৰ সেনাপতি লাচিত বৰফুকন

মোগলৰ সেনাপতি ৰামসিংহ

৮/অসমখন একত্ৰিত কৰিবলৈ প্ৰথমে কোনে চেষ্টা কৰিছিল?

উত্তৰ: নৰনাৰায়ণেে

৯/১৯ এপ্ৰিল ১৯৭৫ চন এই দিনটো ভাৰতৰ বিজ্ঞান জগতৰ বাবে উল্লেখযোগ্য কিয় বাৰু?

উত্তৰ:ৰাছিয়াৰ পৰা ভাৰতৰ প্ৰথমটো কৃত্ৰিম উপগ্ৰহ আৰ্যভট্তৰ উৎক্ষেপন কৰা হৈছিল৷

১০/ক্ৰিকেটৰ প্ৰথম বিশ্বকাপ কেতিয়া অনুষ্ঠিত হৈছিল?

উত্তৰ:১৯৭৫ চনত

১১/ডাটছ্ কাৰেজ বুলিলে কি বুজোৱা হয়?

উত্তৰ:নিচাসক্ত লোকৰ সাহস

১২/বিশ্বৰ সবাতোকৈ পুৰণি বিমান পৰিৱহণ সংস্থাটো কোন দেশৰ?

উত্তৰ:নেদাৰলেণ্ডৰ

১৩/ভাৰতে প্ৰথমখন এদিনীয়া ক্ৰিকেট কেতিয়া খেলিছিল?

উত্তৰ:১৯৭৪ চনৰ ১৩ জুলাইত৷ইংলেণ্ডৰ বিৰুদ্ধে খেলিছিল৷

১৪/জ্ঞানপীঠ বঁটা লাভ কৰা প্ৰথম মহিলা সাহিত্যিক গৰাকীৰ নাম কি?

উত্তৰ:আশাপূৰ্ণা দেৱী

১৫/মহাত্মা গান্ধীয়ে সম্পাদনা কৰা পত্ৰিকাখনৰনাম কি?

উত্তৰ:হৰিজন

১৬/কোনজন বিখ্যাত লেখকৰ ছদ্মনাম কুইজ ?

উত্তৰ: চাৰ্লছ ডিকেন্স

১৭/কি গছক শান্তিৰ প্ৰতীক বোলা হয়?

উত্তৰ:অলিভ বা জলফাই গছ

১৮/দক্ষিণ আফ্ৰিকাৰ এজন ৰাষ্ট্ৰপতিয়ে ভাৰত ৰত্ন সন্মান লাভ কৰিছিল তেখেতৰ নামটো কি?

উত্তৰ: নেলছন মেণ্ডেলা

১৯/WHO ৰ সম্পূৰ্ণ ৰূপটো কি?

উত্তৰ:World Health Organization

২০/ৰাষ্ট্ৰসংঘৰ (United Nations Organization) ৰ কেতিয়া প্ৰতিষ্ঠা কৰা হৈছিল?

উত্তৰ:১৯৪৫ চনত

তোমাৰ কথাবোৰ মনত পৰে

মনত পৰিছে তোমাৰ খং উঠিলেই

তুমি হাতৰ অনামিকা অথবা তৰ্জনী আঙুলি কামুৰিছিলা

মোলৈ চাই পলকতে চাইছিলা বহুত দূৰলৈ৷

তুমি হয়তো কি ভাবা সেই সময়ত মই নাজানো

তোমাক যে তেতিয়া ইমান ধুনীয়া দেখাইছিল

লাগিছিল প্ৰকৃতিৰ নুমলীয়া জীয়াৰীৰ দৰে!

আমাৰ মাজৰ অভিমান হয়তো এঘণ্টা মান আছিল

ঠিক অলপ পাছতেই তুমি মোক খুন্দিয়াইছিলাহি

মোৰ দুচকুত দুচকু থৈ তুমি হাঁহিছিলা

হয়তো তেতিয়া মইয়ো মিছিকিয়াই তলমূৰ কৰিছিলো৷

তুমি আনক কোৱাৰ চলেৰে মোক বহুত কথাই কৈছিলা

ভিতৰি ভিতৰি মোক জ্বলাই ৰং চোৱা তুমি

অথচ মই তোমাক নামাতিলেই 

তুমি মোক সুধাহি “তোমাৰ ভালনে?”

মোৰ সোঁহাতৰ কেঞা আঙুলিয়াত বেণ্ডেজ মৰা দেখি

তুমি যে জিৰণিচ’ৰাত বহি থাকোতে

মানসীৰ হতুৱাই সুধাইছিলা

কি হল তোমাৰ?

পংকজক যে তুমি কৈছিলা

কাৰোবাৰ মুখত ভেকুলী সোমাল নেকি বুলি

মই সেইদিনা তোমাক নমতাৰ বাবেই৷

মই নাচালেও তুমি চাইছিলা

কিয় সেইয়া জানো মৰম নাছিল

মই তোমাৰ বাহিৰে অন্য ছোৱালীৰ লগত কথা পাতিলে

তুমি জানো মোক লক্ষ্য কৰি থকা নাছিলা?

তুমি যে তৰ্ক প্ৰতিযোগিতাত মোৰ নামটো প্ৰথমে দিছিলা

মই তৰ্ক নকৰো বুলি কোৱাত তুমি মোক খং কৰিছিলা৷

স্কুলত যে নাটক কৰাৰ কথা আছিল

তুমি যে প্ৰমোচন বিচাৰি নায়িকাৰ চৰিত্ৰত

অভিনয় কৰিম বুলি কৈছিলাা মোৰ বিপৰীতে৷

মই প্ৰথমে উভোতাই দিয়া গ্ৰীটিংছ কাৰ্ডখনি

তুমি পুনৰ দিছিলা কিয়?

মোক মনৰ কথা কবলৈ

তুমিয়েইতো বাধ্য কৰাইছিলাা

কিন্তু কিয় এনেে কৰিছিলা মই নুবুজিলো!

বহুত বুজাবলৈ চাইয়ো মই ব্যৰ্থ হলো

যেতিয়াই তোমাক চিৰদিনলৈ পাহৰিব খোজো

তেতিয়াই তোমাক ক’ৰবাত অজানিতে লগ পাই যাওঁ!

তুমি যেন মোৰ বাবে বহাগৰ কপৌফুল

তোমাৰ মনত পৰেনে নাই বাৰু এই কথাবোৰ

যিবোৰ ভাবি ভাবিয়েই পাৰ হয় মোৰ ৰাতি দিনবোৰ৷

হিয়াৰ দাপোণৰ তুমি নৃত্যশিল্পী

হিয়াৰ দাপোণৰ তুমি নৃত্যশিল্পী

কেতিয়াবা লোকনৃত্য,কেতিয়াবা আধুনিক

বাদ্যযন্ত্ৰৰ তালে তালে

তুমি এঠাইৰ পৰা সিঠাইলৈ যোৱা৷

তুমি বাৰু মঞ্চৰ নৃত্যশিল্পী নে জীৱনৰ?

তেজেৰে কেনভাচত ছবি আঁকিলো

একো নভৱাকৈয়ে তোমাক আপোন পাতিলো

জোনাকী পৰুৱাক ভালেই লাগে অন্ধকাৰত!

নাচোনৰ তালে তালে পাহৰি নাযাবা

নোপোৱাৰ বেদনাতকৈ পাই হেৰুৱাব বেদনা বেছি

তুমি অভিযোগৰ সাঁকো সাজি

যাবাগৈ বুলি ভয় লাগে!

বগলী ক’লা কেতিয়াও নহয়

ঠিক তেনেদৰে তুমিও মোৰ হৈ ৰ’বা আজীৱন৷

নুফুলা কলিটিৰ সৌন্দৰ্যত আতুৰ বিভোৰ মই

নুপুৰৰ ৰুনজুন শব্দ তুমি

নাযাবা অকলে এৰি দূৰলৈ বুলি

ধোঁৱা নোলোৱা জুই জ্বলিব হিয়াত৷

শিতানৰ গাৰু তিয়াব দুধাৰি চকুলোৰে৷

সকলো জানিও নহবা দেই অবুজন

তুমি ৰং নাচাবা মোৰ

কিয়নো হিয়াৰ দাপোণৰ তুমি নৃত্যশিল্পী!

২২/০৪/২০০৯

শ্ৰীকৃষ্ণ

আহা শ্ৰীকৃষ্ণ,তুমি দ্বাৰকাৰ পৰা,

তুমি নথকাৰ বাবে বেয়া লাগিছে

পুৰী,বৃন্দাবন,মথুৰা৷

মথুৰাৰ কাৰাগাৰত দৈৱকীৰ গৰ্ভত

অষ্টম পুত্ৰ হৈ লৈছিলা জনম,

কিয়নো গুচি গ’লা এৰি থৈ সকলো

পৃথিৱীৰ সকলো হৈছে আজি অধম৷

শ্ৰীকৃষ্ণ তুমি ভগৱান আমাৰ

তুমি আমাৰ সৃষ্টিকৰ্তা,পালনদাতা

তোমাৰ দ্বাৰকা এৰি তুমি

আকৌ এবাৰ ইয়ালৈ আহা৷

মহাভাৰতৰ ৰণত তুমি আছিলা

অৰ্জুনৰ সাৰথি,

আজি বাৰু আছেনে তোমাৰ প্ৰিয়া

ৰাধিকা সুন্দৰী?

ষোল্লশ গোপীয়েও তোমাক নাটিলে

নিলা তুমি ভালুকৰ কইনা

কৰিলা স্বৰ্গৰ পাৰিজাত হৰণ,

তোমাৰ তযু চৰণত প্ৰভু

মূৰ দোৱাই লৈছো শৰণ৷

কৃষ্ণৰূপে অৱতাৰ ধৰি

কৰিলা অসংখ্য দেৱ মানৱৰ লীলা,

মাতৃ যশোদাক মুখৰ ভিতৰত

গোটেই বিশ্বব্ৰহ্মাণ্ড দেখুৱালা৷

পাঁচ বছৰ বয়সত লগৰীয়াৰ লগত

চৰাইছিলা গৰু

সমনীয়াৰ লগত কৰিছিলা দুষ্ট কাম,

আজিৰ গোটেই জগতত

সকলোৰে মুখত তোমাৰ মাত্ৰ নাম৷

নাগৰাজৰ শিৰত উঠি

নদীৰ বুকুত নাচি নাচি

ক’তনো গলা প্ৰভু তুমি আজি?

যুগে যুগে অৱতাৰ

ধৰা বাৰে বাৰে

কৃষ্ণৰূপে বধিলা পাপী কংসক

উগ্ৰসেনক সিংহাসনত বহুৱাই

কৰিছিলাা দুষ্টক দমন শান্তক পালন৷

মোহিনীৰ ৰূপেৰে দেৱতাক

অমৃত পান কৰাইছিলা

অসুৰক খুৱাইছিলাা সুৰা,

হে কৃষ্ণ তুমি আজি আহি

দানৱৰূপী মানৱক বধ কৰা৷

স্বৰ্গ,মত্য,পাতাল এই

ত্ৰিজগতৰ অধিকাৰী,

কৰি গৈছিলা যুগমীয়া কৰ্ম

যুগে যুগে অৱতাৰ ধৰি৷

মহাভাৰতৰ ৰণৰ দৰে

হোৱা আজি অহিংসাৰ যুঁজৰ সাৰথি

সুদৰ্শন চক্ৰৰে কৰা মুণ্ডচেদ

ৰক্তপিপাসু আৰু শোষণকাৰীক

ৰোধ কৰা পৃথিৱীবাসীৰ অপকৰ্ম৷

হিংসা,বিদ্বেষ,প্ৰতিশোধৰ জুই

আজি দপদপাই জ্বলিছে,

সেই জুইত পৰি ক’ত

নিৰীহ মানুহ মৰিছে!

হে কৃষ্ণ,হাতত লৈ বাঁহী

বজোৱাহি যমুনা নদীৰ পাৰত

গোপীৰ কাপোৰ লুকুৱাইছিলা গছৰ ডালত৷

শংখ,চক্ৰ,গদা,পদ্ম

চাৰিহাতে থাকা ধৰি

দুষ্টক দমন শান্তক পালন কৰা

যুগে যুগে অৱতাৰ ধৰি৷

পৰশুৰাম হৈ মাতৃক কাটি

ল’লা যে পাপৰ ভাৰ,

তুমি পাপৰ পৰা মুক্তি পাবৰ বাবে

কাটিলা ব্ৰক্ষ্মকুণ্ডৰ পাৰ৷

আহা শ্ৰীকৃষ্ণ মোৰ ভগৱান

বাঁহীৰ সুৰেৰে দুখীৰ অন্তৰ

কৰাহি সুখী৷

পৃথিৱীত স্থাপন কৰাহি

শান্তি,মৰমৰ,ভালপোৱা অহিংসাৰ দেশ,

পৃথিৱী ভৰিছে পাপী অপৰাধীয়ে

অসভ্যই লয় সভ্যৰ ছদ্মবেশ!

মোৰ কাকুতি শুনিবানে প্ৰভু

আহিবানে দ্বাৰকা এৰি

মুখত মিছিকিয়া হাঁহি

হাতত বাঁহীটি লৈ,

আহা প্ৰভু আকৌ এবাৰ পৃথিৱীলৈ৷

বিচাৰি যাওঁ কাৰোবাক

মাজ নিশাত উচুপি কান্দো

মনে মনে নিৰৱে বহি,

দুখৰ সময় কটাওঁ নিসংগভাৱে

তপত দুধাৰি চকুলো টুকি৷

হৃদয়ৰ বেদনা উচুপনিক বুজাব

নোৱাৰিি অৱস হৈ পৰো

দুখৰ লগত যুঁজি যুঁজি

সুখৰ কেতিয়াও মুখ নেদেখো৷

নাই কোনো মোৰ সুখ দুখৰ সমভাগী

একবিংশ শতিকাৰ কৰ্মময় জীৱন

ব্যস্তময় সময়

যদি ধনী হলোহেতেন তেতিয়া

বহুত সুখ দুখৰ সমভাগী পালোহেঁতেন৷

নিশ্চয় নিবিচৰাকৈয়ে

কাষত নিজেই আহি হলহেঁতেন উপস্থিত৷

কিন্তু আজি বিচাৰিও কাষত

কাকো পোৱা নাই

বিফলতাৰ মনোৰথ লৈ 

উভতি আহিছো বাৰে বাৰে

মোৰ ভগা পঁজালৈ৷

এদিন মোৰ হাতলৈ হয়তো টকা আহিব

কিন্তু সেইদিনা হয়তো মোৰ

কাষত কোনো নাথাকিব৷

বয়স নামৰ অসুৰটোৱে মোক

চুচৰাই লৈ গৈ আছে

মই ৰৈ যাব পৰা নাই

নি আছে গৈ আছোা৷

বাৰিষা

টুপটুপকৈ আকাশৰ বৰষুণ পৰিল,

আমাৰ সেউজী ধৰাৰ বুকু তিতিল৷

গছ গছনি,তৃণ -বৃক্ষই পানী পালে,

নদ-নদী, খাল বিল পানীৰে ভৰে৷

মাছবোৰে ৰং পাই উলাহতে নাছে,

গছ গছনিবোৰ জীপাল হৈ উঠে৷

শালি খেলিৰ কাম বাৰিষাকালত,

পানীৰে পৰিপূৰ্ণ হয় দ-স্হল ভাগত৷

প্ৰতিবাৰে আহে বাৰিষা বৰষুণক লৈ,

মানুহক সহায় কৰে খেতিবাতি কৰিবলৈ৷

নালাগে আমাক বাৰিষাৰ বানপানী,

জীৱ-জন্তুৰ হয় নানা বিপদ বিঘিণি৷

বাৰিষাৰ পাছত আহে খৰালি,

শুকাই যায় পথাৰ,খাল,বিল নদীৰ পানী৷

মোৰ শৈশৱ

গুচি গল সোণালী শৈশৱ সময়ৰ সোঁতত

এটি দুটিকৈ শব্দ হল

মোৰ দুই ওঁঠত৷

মাৰ গাখীৰ খাই দেহত বল পাই

হলো এদিন দুদিনকৈ ডাঙৰ,

এখোজ দুখোজকৈ খোজ দিছিলোঁ

জনাতো নাছিলো এতিয়াৰ ভাগৰ৷

সময় সঁচাকৈ বৰ নিষ্ঠুৰ

কাঢ়ি নিয়ে সোণালী সময়,

কোনে জানে বাৰু কাৰ কথা

কাৰ ভাগ্যৰ বঠা কেনি বয়?

থুপুকথাপাক কৰি 

খোজ দিছিলোঁ যিদিনা,

হয়তো হাঁহি বিৰিঙিছিল মোৰ ওঁঠত

জীৱনৰ সেই প্ৰথম দিনা৷

এদিন মুখৰ পৰা জীৱনৰ প্ৰথম শব্দ

মা বুলি ওলাই গল,

ধূলি বালিৰ শৈশৱ কাল

আজি অতীত হল৷

যিমান বিচাৰিলেও কিয়

নাপাওঁ আকৌ শৈশৱকাল,

ভগৱানে কেনেকৈ স্ৰজন কৰিলে

মানুহৰ মায়া জাল৷

এতিয়া হয়তো আমি নিজক লৈয়ে

অনেক সপোন দেখো,

সকলোৱে হয়তো নিশ্চয় এসময়ত

নিজৰ শৈশৱৰ কথা ভাৱো৷

লৰি গৈ মাৰ বুকুত সোমাওঁ

দেউতাই কোলাত দাঙি লয়,

সকলোৱে মৰমতে মাইনা বুলি

আকোঁৱালি লয়৷

হেৰাই গল মোৰ সোণালী শৈশৱ

নাপাওঁ আকৌ ঘুৰাই,

সময় মাথো আহে যায়

বাধা দিব পাৰেনে কোনোবাই?

জানিবলগীয়া কথা ৭

১/অসমত প্ৰকাশিত প্ৰথম স্কুলীয়া পাঠ্যপুথিখনৰ নাম কি?

উত্তৰ:গ্ৰামাৰ অফ আচামীচ লেংগুৱেজ

Grammar of Assamese Language

২/গ্ৰামাৰ অফ আচামীচ লেংগুৱেজ কিতাপখনৰ লেখক কোন আছিল?

উত্তৰ:মিষ্টাৰ উইলিয়াম ৰবিনচন

৩/ভাৰতীয় শিক্ষাৰ ইতিহাসত “শ্ৰীৰামপুৰ ত্ৰয়ী” বুলি কাক জনা যায়?

উত্তৰ:কেৰী,মাৰ্চমেন আৰু ৱাৰ্ড

৪/পলিটিক্স শব্দটো কৰপৰা আহিছে?

উত্তৰ:গ্ৰীক শব্দ পলিচৰ পৰা

৫/পলিচ শব্দৰ অৰ্থ কি?

উত্তৰ:নগৰ বা ৰাষ্ট্ৰ

৬/ৰাজন শব্দৰ অৰ্থ কি?

উত্তৰ:ৰজা

৭/ৰাজনীতি বিজ্ঞান শব্দটো প্ৰথমে কোনে ব্যৱহাৰ কৰিছিল?

উত্তৰ:জ্যা বঁদাই

৮/ৰাজনীতিৰ ভাগ দুটা কি কি?

উত্তৰ:তাত্ত্বিক ৰাজনীতি আৰু ব্যৱহাৰিক ৰাজনীতি

৯/পৃথিৱীৰ বৃহৎ গণতান্ত্ৰিক দেশখনৰ নাম কি?

উত্তৰ:ভাৰত

১০/ৰাজনীতি হল শ্ৰেষ্ঠতম বিজ্ঞান কথাষাৰ কোনে কৈছিল?

উত্তৰ:এৰিষ্টটল

১১/ভাৰতৰ আটাইতকৈ পুৰণি ৰাজনৈতিক দলটোৰ নাম কি?

উত্তৰ:ভাৰতীয় জাতীয় কংগ্ৰেছ

১২/মেথদ Method কি?

উত্তৰ:মেথদ হল কোনো এটা বিশেষ টেকনিক বা পদ্ধতি

১৩/অসমৰ প্ৰথম আঞ্চলিক ৰাজনৈতিক দলটোৰ নাম কি?

উত্তৰ:অসম গণ পৰিষদ

১৪/পৃথিৱীৰ আটাইতকৈ বৃহৎ সংবিধান থকা দেশখনৰ নাম কি?

উত্তৰ:ভাৰতবৰ্ষ

১৫/ৰাষ্ট্ৰক গ্ৰীকসকলে কি বুলি কয়?

উত্তৰ:পলিচ

১৬/ৰোমানসকলে ৰাষ্ট্ৰ বুজাবলৈ কি শব্দ ব্যৱহাৰ কৰিছিল?

উত্তৰ:চিভিটাছ Civitus

১৭/সাহিত্য একাডেমি পুৰস্কাৰ দ্বাৰা পুৰস্কৃত প্ৰথম অসমীয়া কবিতা পুথিখনৰ নাম কি?

উত্তৰ:বনফুল

১৮/“চন অফ্ ৰিভল্যুশ্বন” অৰ্থাৎ “বিপ্লৱৰ সন্তান” নামেৰে অভিহিত কৰা বীৰজনৰ নাম কি?

উত্তৰ:নেপোলিয়ন বোনাপাৰ্ট

১৯/ভাৰতৰ ৰাষ্ট্ৰীয় সংগীতটোৰ লেখক কোন?

উত্তৰ:কবিগুৰু ৰবীন্দ্ৰনাথ ঠাকুৰ

২০/ভাৰতৰ মচলা উদ্যান হিচাপে পৰিচিত ৰাজ্যখনৰ নাম কি?

উত্তৰ:কেৰেলা

জানিবলগীয়া কথা ৬

১/“জীৱনদাতা পিতৃ মাতৃতকৈও শিক্ষকসকলহে আমাৰ বেছি শ্ৰদ্ধাৰ প্ৰাত্ৰ” কথাষাৰ কোনে কৈছিল?

উত্তৰ:দাৰ্শনিক এৰিষ্টটল

২/প্ৰথমে কোনে মনোবিদ্যা প্ৰৱৰ্তন কৰিছিল?

উত্তৰ:দাৰ্শনিক এৰিষ্টটল

৩/ মানসিক প্ৰক্ৰিয়াৰ পৰ্যবেক্ষণেই কি?

উত্তৰ:মনোবিজ্ঞান

৪/উডৰ নিৰ্দেশনামা কেতিয়া প্ৰকাশিত হৈছিল?

উত্তৰ:১৮৪৫ চনত

৫/অসমৰ প্ৰথমখন কলেজৰ নাম কি?

উত্তৰ:কটন কলেজ

৬/অসমৰ প্ৰথমখন বিশ্ববিদ্যালয়ৰ নাম কি?

উত্তৰ:গুৱাহাটী বিশ্ববিদ্যালয়

৭/ভাৰতৰ প্ৰথম শিক্ষা আয়োগ কেতিয়া কোনে গঠন কৰিছিল?

উত্তৰ:১৮৮২ চনত লৰ্ড ৰিপনেে

৮/ভাৰতৰ প্ৰথম শিক্ষা আয়োগৰ সভাপতি কোন আছিল?

উত্তৰ:ছাৰ উইলিয়াম হান্টাৰ

৯/কেতিয়া ভাৰত শাসন আইন পাছ হৈছিল?

উত্তৰ:১৯১৯ চনত

১০/অসমত কেতিয়া প্ৰথমখন শিক্ষা আইন পাছ হৈছিল?

উত্তৰ:১৯২৬ চনত

১১/জাতীয় শিক্ষা ব্যৱস্থাৰ সৰ্বপ্ৰথম আৰু সৰ্ববৃহৎ পৰিকল্পনা কোনখন?

উত্তৰ:ছাৰ্জেণ্ট কমিটিৰ প্ৰতিবেদন

১২/উপনয়নৰ অৰ্থ কি?

উত্তৰ:দ্বিতীয় জন্ম

১৩/বৌদ্ধ ধৰ্মৰ প্ৰৱতক কোন?

উত্তৰ:গৌতম বুদ্ধ 

১৪/বৌদ্ধধৰ্মৰ মূলমন্ত্ৰ কি?

উত্তৰ: নিৰ্বান বা আত্মাৰ মুক্তি

১৫/সংঘৰ শিক্ষাত কি দুইপ্ৰকাৰৰ শিক্ষক থাকে?

উত্তৰ:উপাধ্যায় আৰু কৰ্মাচাৰ্য

১৬/মনিটৰিয়েল প্ৰথা কোনে উদ্ভাৱন কৰিছিল?

উত্তৰ:মিছনেৰীসকলে

১৭/নামঘৰক “অসমীয়া সংস্কৃতিৰ যাদুঘৰ”বুলি কোনে কৈছিল?

উত্তৰ:ড° বিৰিঞ্চি কুমাৰ বৰুৱা

১৮/১৪৯৮ চনত ভাস্ক’ ডা গামাই কি আৱিষ্কাৰ কৰিছিল?

উত্তৰ: ভাৰতবৰ্ষ আৰু ইউৰোপৰ মাজত জলপথ

১৯/অসমত প্ৰথমে ছপাশাল কোনে স্থাপন কৰিছিল?

উত্তৰ:অ' টি' কট্তৰে

২০/অসমৰ প্ৰথম বাতৰি কাকত অৰুণোদয় কেতিয়া প্ৰকাশ পাইছিল?

উত্তৰ:১৮৬৪ চনত

সজাগ হোৱা,সচেতন হোৱা

ঘৰতেই থাকিম

ঘৰতেই থাকিবা

যিদিনা আমি জয়ী হম

একেলগে হাঁহিম আহিবা৷

সজাগ হোৱা,সচেতন হোৱা

হৈ থাকিবা পৰিষ্কাৰ,

আতৰতেই থাকি সন্মান জনাবা

কৰিবা নমস্কাৰ৷

বুজি পালা যদি বুজাই দিবা

যিসকলে পোৱা নাই বুজি,

জয়ী হম আমি

ভাইৰাছৰ লগত যুঁজি৷

সকলোৱে কল্যাণ হওঁক

এইয়ে কৰিছো আশা,

সতৰ্ক হৈ থাকিবা সকলো

পুৱা গধূলি নিশা৷

জানিবলগীয়া কথা ৫

১/আমাৰ শৰীৰৰ স্নায়ুমণ্ডলৰ কেন্দ্ৰীয় বিভাগ কি?

উত্তৰ:মস্তিস্ক

২/মস্তিস্কৰ ভাগ কেইটা?

উত্তৰ:১০টা

৩/এজন প্ৰাপ্ত বয়স্ক ব্যক্তিৰ মস্তিস্কৰ ওজন কিমান হব?

উত্তৰ:প্ৰায় ৩ পাউণ্ড

৪/কাৰ্য ক্ষমতা অনুযায়ী মস্তিস্কৰ ভাগ কেইটা কি কি?

উত্তৰ:৪টা 

(১)গুৰু মস্তিস্ক

(২)লঘু মস্তিস্ক

(৩)মধ্য মস্তিস্ক

(৪)অধঃ মস্তিস্ক

৫/মস্তিস্কৰ ধোঁৱাবৰণীয়া অংশক কি বোলে?

উত্তৰ:কৰ্টেক্স

৬/গুৰু মস্তিস্কৰ ভাগ দুটা কি?

উত্তৰ: সোঁ ভাগ আৰু বাওঁ ভাগ

৭/গুৰু মস্তিস্কৰ ফাঁট দুটাৰ নাম কি?

উত্তৰ: ৰোলাণ্ডো ফাঁট আৰু চিলভিয়াছ ফাঁট

৮/মধ্য মস্তিস্কৰ মূল ভাগ দুটা কি?

উত্তৰ:থ্যালামাছ আৰু হাইপো থ্যালামাছ

৯/মস্তিস্কৰ সকলোতকৈ বৃহত্তম,জটিল আৰু গুৰুত্বপূৰ্ণ অংশটোৰ নাম কি?

উত্তৰ:প্ৰমস্তিষ্ক

১০/চিন্তা,অনুভূতিৰ স্মৃতি,বিচাৰ বিবেচনা,ইচ্ছা আদি বিভিন্ন ক্ৰিয়া কিহে পৰিচালনা কৰে?

উত্তৰ:বৃহৎ মস্তিস্কই

১১/বৃহৎ মস্তিস্ক সমগ্ৰ স্নায়ুতন্ত্ৰৰ কি?

উত্তৰ: একচ্ছত্ৰী সম্ৰাট

১২/স্বয়ংচালিত স্নায়ুুতন্ত্ৰৰ ভাগ কেইটা?

উত্তৰ:৩টা

১৩/সমস্ত ইন্দ্ৰিয়ৰ ভিতৰত শ্ৰেষ্ঠ কাক কয়?

উত্তৰ:চকুক

১৪/চকুৰ কেইটা অংশ আছে?

উত্তৰ:১৩টা

১৫/কাণৰ ভাগ কেইটা আৰু কি কি?

উত্তৰ:৩টা

(১)বাহিৰ কাণ

(২)মাজ কাণ

(৩)ভিতৰ কাণ

১৬/স্বাদবাহী কোষ কাক বোলে?

উত্তৰ:জিভাৰ উপৰিভাগত কিছুমান ক্ষুদ্ৰ ক্ষুদ্ৰ দানাৰ দৰে উন্নত বিন্দু আছে এইবোৰক স্বাদবাহী কোষ বোলা হয়৷

১৭/স্বাদযুক্ত বস্তুক কেইটা ভাগত ভগাব পাৰি আৰু কি কি ?

উত্তৰ:৪ টা ভাগত

(১)মিঠা

(২)লুণীয়া

(৩)তিতা

(৪)টেঙা

১৮/ছালে সৃষ্টি কৰা চাৰি প্ৰকাৰৰ সংবেদন কি?

উত্তৰ:(১)প্ৰকৃত স্পৰ্শ বা চাপৰ সংবেদন

(২)তাপৰ সংবেদন

(৩)শীতৰ সংবেদন

(৪)দুখ-সুখৰ সংবেদন

১৯/ছালৰ স্তৰ তিনিটা কি?

উত্তৰ:(১)উপছাল বা মাখি ছাল

(২)ত্বক

(৩)ছালৰ একেবাৰে তলত চৰ্বিৰে গঠিত স্তৰ

২০/সংবেদন কি?

উত্তৰ: মানসিক উদ্দীপনাৰ প্ৰাথমিক স্তৰ৷

জানিবলগীয়া কথা ৪

১/চন্দ্ৰ চেঁচা নে গৰম?

উত্তৰ:চন্দ্ৰৰ যিটো অংশ সূৰ্য্যৰ ফালে থাকে সেই অংশ ভীষণ গৰম আৰু যি অংশ সূৰ্য্যৰ বিপৰীত ফালে থাকে সেই অংশ অতি চেঁচা৷

২/চৰাইৰ ভিতৰত কাৰ দৃষ্টিশক্তি বেছি?

উত্তৰ: ঈগল আৰু শগুন

৩/আটাইতকৈ ডাঙৰ ফুলবিধৰ নাম কি?

উত্তৰ: আমাৰ্কো কোলাছ টিটেনাম৷

৪/ফুলৰ গোন্ধ কেনেকৈ পোৱা যায়?

উত্তৰ:গছৰ গাৰ পৰা কিছুমান ৰস আহি ফুলত গোট খায়৷এই ৰস তেলেতীয়া আৰু বতাহত উৰি যায়৷সেই গোন্ধ বতাহে গ্ৰহণ কৰে৷

৫/দবা কোন দেশৰ ৰাষ্ট্ৰীয় খেল?

উত্তৰ:ৰাছিয়াৰ

৬/বিশ্বৰ প্ৰথমখন আন্তৰাষ্ট্ৰীয় দবা খেল কেতিয়া ক’ত অনুষ্ঠিত হৈছিল?

উত্তৰ:১৮৫১ চনত লণ্ডনত

৭/ভিটামিন শব্দৰ অৰ্থ কি?

উত্তৰ:জীৱন

৮/ভাৰতত নিৰ্মিত প্ৰথমখন জাহাজৰ নাম কি?

উত্তৰ:জলঊষা

৯/আটাইতকৈ শক্তিশালী জীৱটোৰ নাম কি?

উত্তৰ:পিপৰা

১০/প্ৰথমগৰাকী অসমীয়া সাহিত্যিক ৰূপে জ্ঞানপীঠ বটা লাভ কৰা ব্যক্তিজনৰ নাম কি?

উত্তৰ:ড° বীৰেন্দ্ৰ কুমাৰ ভট্টাচাৰ্য

১১/ইংৰাজী Education শব্দটো কোনটো মূল লেটিন শব্দৰ পৰা অনা হৈছে?

উত্তৰ:Educare শব্দৰ পৰা

১২/জীৱ বিজ্ঞানৰ জনক কোন?

উত্তৰ:লেমাৰ্ক

১৩/শিক্ষাৰ ক্ষেত্ৰত মনোবিজ্ঞানৰ প্ৰয়োজনীয়তাৰ কথা প্ৰথমে কোনে কৈছিল?

উত্তৰ:মনীষী ৰুছোই

১৪/ভাৰতবৰ্ষই কেতিয়া স্বাধীনতা লাভ কৰিছিল?

উত্তৰ:১৯৪৭ চনৰ ১৫ আগষ্ট তাৰিখে

১৫/সৰ্বপ্ৰাণবাদিতা কাক বোলে?

উত্তৰ:শিশুৱে তাৰ চাৰিওফালে দেখা নিৰ্জীৱ বস্তুবোৰত প্ৰাণ আৰোপ কৰি সেইমতে সেইবোৰ ব্যৱহাৰ কৰা দেখা যায় ইয়াকে শৈশৱৰ সৰ্বপ্ৰাণবাদিতা বোলা হয়৷

১৬/প্ৰথম অৱস্থাত শিশু আত্মকেন্দ্ৰিক হৈ থাকে এই স্তৰক কি বোলে?

উত্তৰ:স্বৰতিমূলক স্তৰ

১৭/মাক,দেউতাক বা অন্য কোনো ব্যক্তিৰ প্ৰতি শিশু আসক্ত হোৱা স্তৰক কি বোলে?

উত্তৰ:ইদিপাছ কমপ্লেক্স স্তৰ

১৮/নাৰ্ছাৰী স্কুল প্ৰথমেে কোনে প্ৰতিষ্ঠা কৰিছিল?

উত্তৰ:আমেৰিকাৰ মেকমিলান ভগ্নীদ্বয়ে

১৯/কম্পিউটাৰৰ মনিটৰৰ অন্যটো নাম কি?

উত্তৰ:ভি-দি-ইউ অৰ্থাৎ ভিচুৱেল দিচপ্লে ইউনিট

২০/মনৰ প্ৰধান ধৰ্ম কি?

উত্তৰ:চেতনা

কেইটামান ভাললগা কথা

১/পৃথিৱীৰ আটাইতকৈ সহজ কাম হল আনক উপদেশ দিয়া আৰু আটাইতকৈ টান কাম হল বাস্তৱ জীৱনত সেই কথাবোৰ নিজে মানি চলা৷

২/আৰ্থিকভাৱে দুখীয়াজন ভৱিষ্যতে ধনী হব পাৰে কিন্তু মানসিকভাৱে যি দুখীয়া তেওঁ কেতিয়াও সুখী হব নোৱাৰে৷

৩/জীৱনৰ আটাইতকৈ ডাঙৰ ভুল হল নিজকে জ্ঞানী,চতুৰ,সৰবজান বুলি ভবাটো৷

৪/আপোনাৰ চিন্তাধাৰাই আপোনাক আগুৱাই নিব,আপোনাৰ চিন্তাধাৰাই আপোনাক পিছুৱাই নিব৷আপুনি নিজেই সিধান্ত লব লাগিব আপুনি আগুৱাই যাব নে পিছুৱাই যাব৷

৫/জয়ী বা কৃতকাৰ্য হোৱাৰ এটাই নিয়ম কৃতকাৰ্য বা জয় নোহোৱালৈকে কামটোত লাগি থাকা৷

৬/আপোনাৰ চাৰিওপিনে থকা মানুহবোৰ পৰিৱৰ্তন হোৱাটো স্বাভাৱিক কাৰণ সময়ৰ লগে সকলো সলনি হয়৷

৭/যদি কোনো কাম আজি নকৰো কাইলৈ কৰিম,কাইলৈ নকৰো পৰহিলৈ কৰিম বুলি ভাবি থাকে তেন্তে এটা কথা জানি লব যে আপুনি পিছুৱাই গৈ আছে৷

৮/সকলো মানুহে আপুনি সফল হোৱাটো নিবিচাৰে গতিকে সকলোকে আপোনাৰ নিৰ্দিষ্ট পৰিকল্পনাৰ বিষয়ে নকব৷

৯/জীৱনত সফল হলে সকলোৱে প্ৰশংসা কৰিব আৰু জীৱনত সফল নহলে মাত্ৰ দুই তিনিজনৰ বাহিৰে সকলোৱে নিন্দা কৰিব৷

১০/এবাৰ জয়ী হম বুলি ভাবি সংকল্প লওক তাৰ পাছত কাৰো সাধ্য নাই আপোনাক পৰাস্ত কৰিবলৈ৷

জানিবলগীয়া কথা ৩

১/ভৱেন্দ্ৰনাথ শইকীয়াই মৃত্যু পৰ্যন্ত সম্পাদনা কৰা আলোচনী খনৰ নাম কি?

উত্তৰ:প্ৰান্তিক

২/প্ৰথম অসমীয়া বাতৰি কাকতখনৰ নাম কি?

উত্তৰ:অৰুনোদয়

৩/জোনাকী পৰুৱাৰ গাত থকা ৰাসায়নিক পদাৰ্থবিধৰ নাম কি?

উত্তৰ: লুচী ফেৰিণ

৪/চেকাৰিন কিহৰ পৰা বনায়?

উত্তৰ:আলকতৰাৰ পৰা

৫/ফাদাৰ অফ দা কম্পিউটাৰ বুলি কাক কোৱা হয়?

উত্তৰ: চাৰ্লছ বেবেজ

৬/সাহিত্য অকাডেমী বটা পোৱা প্ৰথম সাহিত্যিক জনৰ নাম কি?

উত্তৰ: যতীন্দ্ৰনাথ দুৱৰা

৭/দক্ষিণ কোৰিয়াৰ ৰাষ্ট্ৰপতিভৱনৰ নাম কি?

উত্তৰ:ব্লু হাউচ

৮/অসম সাহিত্য সভাৰ মুখ্য কাৰ্যালয় ক’ত আছে?

উত্তৰ:যোৰহাটত

৯/অৰুনোদয় কাকতৰ প্ৰথম সম্পাদক কোন আছিল?

উত্তৰ:ড. নাথান ব্ৰাউন

১০/PIN ৰ সম্পূৰ্ণ ৰূপ কি?

উত্তৰ:Postal Index Number

১১/জয়মতী কথাছবিত জয়মতীৰ চৰিত্ৰত কোনে অভিনয় কৰিছিল?

উত্তৰ:আইদেউ সন্দিকৈয়ে

১২/বিশ্বৰ আটাইতকৈ ডাঙৰ নদীদ্বীপ কি?

উত্তৰ:মাজুলী

১৩/মাইকী এন’ফিলিছ মহে কামুৰিলে কি বেমাৰ হয়?

উত্তৰ:মেলেৰিয়া

১৪/সম্পূৰ্ণ এদিনত কিমান সময় থাকে?

উত্তৰ:২৩ ঘণ্টা ৫৬ মিনিট ০.৪ চেকেণ্ড

১৫/পৃথিৱীৰ আটাইতকৈ ওখ শৃংগটোৰ নাম কি?

উত্তৰ:মাউণ্ট এভাৰেষ্ট

১৬/ভাৰতৰ কেন্দ্ৰীয় বেংকটোৰ নাম কি?

উত্তৰ:ৰিজাৰ্ভ বেংক অফ ইণ্ডিয়া

১৭/দবা খেলৰ উৎপত্তি ক’ত হৈছিল?

উত্তৰ:ভাৰতত

১৮/আটাইতকৈ বেছি জনসংখ্যা থকা দেশ দুখনৰ নাম কি কি?

উত্তৰ:১/চীন দেশ

২/ভাৰতবৰ্ষ

১৯/আমেৰিকা কোনে আৱিষ্কাৰ কৰিছিল?

উত্তৰ:কলম্বাছে

২০/ভাৰতৰ লৌহ মানৱ বুলি কাক কোৱা হয়?

উত্তৰ:চৰ্দাৰ বল্লভ ভাই পেটেলক

জানিবলগীয়া কথা ২

১/FAO বা খাদ্য আৰু কৃষি সংস্থাৰ প্ৰধান কাৰ্যালয় ক’ত?

উত্তৰ:ইটালীৰ ৰোম চহৰত

২/জাতিসংঘৰ সদস্যপদ ত্যাগ কৰা দুখন দেশৰ নাম কি?

উত্তৰ:জাপান আৰু জাৰ্মানী

৩/কোনখন ৰাষ্ট্ৰই ৰাষ্ট্ৰসংঘ গঠনৰ সিধান্তত একমত হোৱা নাছিল?

উত্তৰ:ফ্ৰান্স

৪/প্ৰথম বিশ্বযুদ্ধ কেতিয়া হৈছিল?

উত্তৰ:১৯১৪ চনত

৫/কোনখন যুদ্ধত বেছিকৈ ধন জন ক্ষতি হৈছিল?

উত্তৰ:দ্বিতীয় বিশ্বযুদ্ধত

৬/হিটলাৰৰ আত্মজীৱনী খনৰ নাম কি?

উত্তৰ:মেইন কেম্প 

৭/জয়মতী কথাছবিত গদাপাণিৰ চৰিত্ৰত কোনে অভিনয় কৰিছিল?

উত্তৰ: ফুনু বৰুৱা

৮/টেংকৰ উদ্ভাৱন প্ৰথমে ক’ত হৈছিল?

উত্তৰ:ইংলেণ্ডত

৯/ক্ৰিকেটৰ প্ৰথম বিশ্বকাপ কোন দেশে পাইছিল?

উত্তৰ:ৱেষ্ট ইণ্ডিজে

১০/বিশ্বকাপত প্ৰথম হেইট্ৰিক কাৰী বলাৰজন কোন?

উত্তৰ: চেতন শৰ্মা

১১/প্ৰথম অসমীয়া কথাছবিখনৰ নাম কি?

উত্তৰ:জয়মতী

১২/অসমৰ পুৰণি নাম দুটা কি?

উত্তৰ:প্ৰাগজ্যোতিষপুৰ আৰু কামৰূপ

১৩/ভাৰতৰ বৃহত্তম জিলাখনৰ নাম কি?

উত্তৰ:বিশাখাপট্টনম

১৪/ভাৰতলৈ অহা প্ৰথম বিদেশী নাবিক জনৰ নাম কি?

উত্তৰ:ভাস্ক’ ডা গামা

১৫/শূন্যৰ আৱিষ্কাৰ কোন দেশত হৈছিল?

উত্তৰ:ভাৰতবৰ্ষত

১৬/শূন্য আৱিষ্কাৰক কোন?

উত্তৰ:আৰ্যভট্ট

১৭/আধুনিক ভাৰতৰ পিতৃস্বৰূপ মনীষী জন কোন?

উত্তৰ:ৰাজা ৰামমোহন ৰায়

১৮/ইষ্ট ইণ্ডিয়া কোম্পানীয়ে প্ৰথম বাণিজ্য কেন্দ্ৰ ক’ত স্থাপন কৰিছিল?

উত্তৰ: চুৰাটত

১৯/কলিকতা মহানগৰী প্ৰতিষ্ঠা কিমান চনত হৈছিল?

উত্তৰ:১৬৯০ চনত

২০/গান্ধীজীয়ে বুনিয়াদী শিক্ষা কিমান চনত আৰম্ভ কৰিছিল?

উত্তৰ:১৯৩৮ চনত

জানিবলগীয়া কথা ১

১/ভাৰতৰ ত্ৰিৰংগ পতাকাখন আনুষ্ঠানিকভাৱে কেতিয়া গৃহীত হৈছিল?

উত্তৰ: কংগ্ৰেছৰ কৰাচি অধিৱেশনত ১৯৩১ চনত৷

২/কোনজন ভাৰতীয় বিপ্লৱীেয়েে ১৯০৭ চনত পেৰিছত ভাৰতৰ জাতীয় পতাকাখন উত্তোলন কৰিছিল?

উত্তৰ:মাডাম কামাই

৩/ৰাষ্ট্ৰসংঘৰ প্ৰধান অংগ কেইটা?

উত্তৰ:৬ টা

৪/নিৰ্বাচন কেই প্ৰকাৰৰ আৰু কি কি?

উত্তৰ:নিৰ্বাচন দুুই প্ৰকাৰৰ৷

(১)প্ৰত্যক্ষ নিৰ্বাচন

(২) পৰোক্ষ নিৰ্বাচন

৫/ভাৰতৰ সংবিধানত কেইটা মৌলিক অধিকাৰৰ কথা উল্লেখ আছে?

উত্তৰ:৬টা

৬/কোনজন অসমীয়া কবিক Words worth ৰূপে অভিহিত কৰা হয়?

উত্তৰ:ৰঘুনাথ চৌধুৰী

৭/ভাৰতৰ স্বাধীনতাৰ সময়ত ইংলেণ্ডৰ প্ৰধানমন্ত্ৰী কোন আছিল?

উত্তৰ:ছাৰ ক্লিমেন্ট এটলী

৮/ইয়াণ্ডাবু সন্ধি কেতিয়া হৈছিল?

উত্তৰ:১৮২৬ চনৰ ২৪ ফেব্ৰুৱাৰীত

৯/বাতৰি কাকতৰ প্ৰথম প্ৰচলন ক’ত হৈছিল?

উত্তৰ:চীন দেশত

১০/দূৰদৰ্শন কেতিয়া কোনে আৱিষ্কাৰ কৰিছিল?

উত্তৰ:১৯২৬ চনত জন লগি বেয়াৰ্ডে

১১/ ৰেডিঅ’ কোনে ক’ত কেতিয়া আৱিষ্কাৰ কৰিছিল?

উত্তৰ:১৮৯৪ চনত ইটালীৰ মাৰ্কণিয়ে আৱিষ্কাৰ কৰে৷

১২/ক্ৰিকেট খেলৰ আৱিষ্কাৰ কোন দেশত হৈছিল?

উত্তৰ:ইংলেণ্ডত

১৩/চিনেমা প্ৰযুক্তিবিদ্যাৰ পিতৃস্বৰূপ ব্যক্তিজন কোন?

উত্তৰ:টমাছ আলভা এডিচন

১৪/সৰ্বোত্তম শ্ৰেণীৰ নৃপতি বুলি কাক কোৱা হয়?

উত্তৰ:স্বৰ্গদেউ ৰুদ্ৰসিংহক

১৫/মহাৰাজ নৰনাৰায়ণৰ পৃষ্ঠপোষকতাত ৰাম সৰস্বতীয়ে অসমীয়ালৈ কি অনুবাদ কৰিছিল?

উত্তৰ:মহাভাৰত

১৬/অসমীয়া ভাষাৰ প্ৰথম ব্যাকৰণ খনৰ নাম কি?

উত্তৰ:এ গ্ৰামাৰ অফ দা আচামীচ লেংগুৱেজ (A Grammar of the Assamese language)

১৭/পৃথিৱীৰ প্ৰধান ধৰ্মসমূহৰ সংগমস্থলী কি?

উত্তৰ:ভাৰতবৰ্ষ

১৮/আমাৰ দেশৰ জাতীয় পতাকাখনৰ দীৰ্ঘ আৰু প্ৰস্থৰ অনুপাত কিমান?

উত্তৰ: ৩:২

১৯/ভাৰতৰ সংবিধান স্বীকৃত ভাষাবোৰ সংবিধানৰ কোন তালিকাৰ অন্তভুৰ্ক্ত?

উত্তৰ:অষ্টম তালিকাৰ অন্তভুৰ্ক্ত

২০/কেতিয়াৰ পৰা ভাৰতৰ নতুন সংবিধান কাৰ্যকৰী হয়?

উত্তৰ:১৯৫০ চনৰ ২৬ জানুৱাৰীৰ পৰা৷

জনতা কাৰ্ফিউ আৰু ক’ৰুণা ভাইৰাছ

জনতা কাৰ্ফিউ দিলে কেনেকৈ ক'ৰণা ভাইৰাছৰ লগত যুঁজিব ??? 🤔🤔🤔 

জানো আহক এই জনতা কাৰ্ফিউ পালন কৰি আমি কেনেদৰে ক'ৰণা ভাইৰাছক প্ৰতিহত কৰিব পাৰিম ।

ক'ৰণা ভাইৰাছৰ জীৱনকাল যিকোনো নিৰ্জীৱ বস্তুৰ ওপৰত অতি বেছি ১২ ঘন্টা । 

জনতা কাৰ্ফিউৰ সময় ১৪ ঘন্টা । 

গতিকে সেই সমূহ ৰাজহুৱা স্থান , যান-বাহন আদিৰ লগত নিৰ্জীৱ বস্তু যি সমূহ ক'ৰণাৰ ভাইৰাছৰ সংস্পৰ্শলৈ আহিছিল ১৪ ঘন্টা যদি কোনোৱে স্পৰ্শ নকৰে তেনেহলে ক'ৰণা ভাইৰাছৰ সংক্ৰমণৰ চেইন ডাল ভাঙি যাব। 

তাৰমানে ১৪ ঘন্টাৰ জনতা কাৰ্ফিউৰ পিছত আমি এখন ক'ৰণা মুক্ত দেশ পোৱাৰ সম্ভাৱনা আছে, যদি সকলোৱে ইয়াক ভালদৰে পালন কৰো। 

জনতা কাৰ্ফিউৰ আৰৰ কথা এইখিনিয়ে । 

আহক সকলোৱে ইয়াক ভালদৰে পালন কৰো আমাৰ এক সুৰক্ষিত ভৱিষ্যতৰ বাবে । 

ইয়াৰ পিছতো দৰকাৰ পৰিলে চৰকাৰে যি ধৰণে ঘোষণা কৰে সকলো কাৰ্যসূচী পালন কৰিলে আমি ভাৰতত হয়তো ইটালীৰ দৰে ভুগিব নালাগিব।

#তথ্য_সংগ্ৰহ 

কৰ’না ভাইৰাছ

#কৰ'না ভাইৰাছ

#কৰ'না কি? 

- কৰ'না ভাইৰাছ কিছুমান ভাইৰাছৰ সমষ্টি। আগতেও ইয়াৰ অৱস্থিতি দেখিবলৈ পোৱা গৈছিল। ডিচেম্বৰ 19 ত চীনত পোৱা কৰ'না ভাইৰাছ টো একেবাৰে নতুন যাৰ এতিয়ালৈকে ভেকচিনেই- ওলোৱা নাই। যাক WHO য়ে COVID-19 নাম দিছে। এই ভাইৰাছ জীৱ জন্তুৰ ক্ষেত্ৰত সঘনাই দেখিবলৈ পোৱা যায়। কিন্তু জন্তুৰ পৰা মানুহলৈ খুব কমেইহে সংক্ৰমিত হয়।  সাধাৰণতে ইয়াৰ গঠনৰ ওপৰত ভিত্তি কৰি ইয়াৰ নাম দিয়া হয়, যিহেতু COVID-19 দেখাত এটা ক্ৰাউন(crown) ৰ দৰে অৰ্থাৎ তাৰ গাত কিছুমান জোঙা জোঙা শুং দেখা পোৱা যায় সেয়েহে ইয়াৰ নাম corona. আমি ভৱাৰ দৰে ই মানুহৰ বা ঠাইৰ নাম নহয় কিন্তু। 

#কৰ'না কেনেকৈ বিয়পে?

- কৰ'না ভাইৰাছ এজন ব্যক্তিৰ পৰা আন এজন ব্যক্তিলৈ  বিভিন্ন কাৰকৰ দ্বাৰা বিয়পিব পাৰে ।  এজন সুস্থ মানুহে যদি বেলেগ এজন  অসুস্থ মানুহৰ সংস্পৰ্শলৈ আহে তেন্তে  এইৰোগ বিয়পাৰ সম্ভাৱনীয়তা অধিক হৈ পাৰে । বিশেষকৈ জনবহুল অঞ্চল এটাত যদি এই ৰোগ থকা ব্যক্তি এজন  থাকে তেন্তে তেওঁৰ  কাঁহ , হাঁচিওৱা, থু আদি কাৰকৰ দ্বাৰাও বেলেগ মানুহলৈ ই  কম সময়তে বিয়পিব পাৰে। 

#  কৰ'নাৰ জীৱন কাল কিমান?

- এই ভাইৰাছৰ ইনকুবেচন পিৰিডত 14 দিন। এই 14 দিনৰ ভিতৰতেই ই নিজৰ বংশ বৃদ্ধি ও কৰে আৰু মৰেও। কিন্তু লক্ষ্যনীয় কথাটো হল এই 14 দিনতেই ই মানুহ এজনৰ ইমিউনিটি চিস্টেম টো একেবাৰে বেয়া কৰি দিয়ে যাৰ বাবে মানুহ দূৰ্বল হৈ পৰে আৰু কোনো ক্ষেত্ৰত  পাকস্থলী, কিডনী আদিটো প্ৰভাৱ পেলায় আৰু ইয়ে মৃত্যুৰ কাৰক হৈ পৰে। জ্বৰ, কাঁহ, পানীলগা আদি সাধৰণ ফিভাৰৰ লক্ষণ সমুহেই ইয়াৰ। মাত্ৰ সময়ৰ লগে লগে ইনফেক্টটেড মানুহজনৰ জ্বৰৰ উত্তাপ বেছি হৈ গৈ থাকে আৰু শ্বাস প্ৰশ্বাসত কষ্ট হয়। কিন্তু যি দেশৰ জলবায়ু গৰম বা 30 ডিগ্ৰীৰ ওপৰত তেনে দেশত ই বিয়পিব নোৱাৰে কাৰণ উত্তাপত এই ভাইৰাছৰ মৃত্যু হয়। গতিকে ভাৰতত দীঘ দিন ধৰি  কৰ'না নাথাকিব যিহেতু ভাৰতত গ্ৰীস্ম কাল আৰম্ভ হবলৈ বেছি দিন নাই। 

#16-29 মাৰ্চ লৈকে বন্ধ কিয়  দিলে????

ইয়াৰ কাৰণ হ'ল বৰ্তমান ক'ৰনা ভাইৰাছ ভাৰতত stage 2 লেভেলত আছে। এতিয়া কথা হ'ল এই stage 2 কি? তেন্তে শুনক... যিকোনো এটা সংক্ৰমিত বেমাৰৰ 4 টা মুল ষ্টেজ থাকে। সেইয়া হ'ল

Stage 1 - য' ত পুন প্ৰথম বাৰৰ বাবে ভাইৰাছ টো ধৰা পৰে আৰু ই সেই ঠাই খনত বিয়পি পৰে। যেনে - চীনৰ নিদিষ্ট wuhan নামৰ সেই চহৰ খন।

 Stage 2- বিভিন্ন কাৰকৰ মাধ্যমৰে সেই ভাইৰাছ বিভিন্ন ঠাইলৈ সংক্ৰমিত হয় আৰু  তাৰ স্হানীয় লোক সকল সংক্ৰমিত হবলৈ ধৰে। যেনে এতিয়া ভাৰত, ইটালী আদিত স্থানীয় লোক সকলৰ মাজটো এই ৰোগে দেখা দিছে যি মুলতে চীন দেশত হে উৎপন্ন হৈছিল।

Stage 3- অত্যাধিক মাত্ৰাত একোখন চহৰ বা ঠাইত বিয়পি পৰা।

 Stage 4 - এই সময়ত ৰোগ বিধে মহামাৰীৰ ৰূপ লৈ লয় আৰু হাজাৰ হাজাৰ লোক ইয়াৰ দ্বাৰা সংক্ৰমিত হবলৈ ধৰে। যাক নিয়ন্ত্ৰণ কৰাটো কঠিন হৈ পৰে লগতে মৃত্যুৰ হাৰ বাঢ়ি যায়। 

গতিকে দেখা গ'ল যে আমাৰ ভাৰত বৰ্ষত কৰ'ণা ভাইৰাছ stage 2 ত আছে। গতিকে stage 3 আৰু stage 4 যাতে নাপায় গৈ তাৰ বাবে ভাৰত চৰকাৰে এই ব্যৱস্হা হাতত লৈছে। আগতেই কোৱা হ'ল যে ইয়াৰ ইনকুবেচন পিৰিয়ড 14 দিনৰ হে। গতিকে এই 14 দিনত যদি কোনো নতুন এই ভাইৰাছৰ দ্বাৰা এফেক্টড নহয় তেন্তে ইয়াৰ প্ৰভাৱ  অটোমেটিক কমিবলৈ আৰম্ভ কৰিব। পিচে এই ক্ষেত্ৰত জনসাধাৰণৰ সহযোগো সমানেই বাঞ্চনীয়। কাৰণ যদি কোনোৱা এজন কৰ'না  ভাইৰাছ ৰ দ্বাৰা সংক্ৰমিত লোকে জানি বুজি জনবহুল ঠাইলৈ যায় তেন্তে হাজাৰ সতৰ্কবাণীয়েও কাম নিদিয়ে।। মনত ৰাখিব prevention is better than cure. 

Corona virus সংক্ৰমণ নহবলৈ কি কি ব্যৱস্থা হাতত লব লাগে ইতিমধ্যেই আপোনালোকে গম পাইছেই। তথাপি দুটামান লিখি দিছো.... 

1/ হাতদুখন সঘনাই ভালদৰে চাবোনেৰে ধুই থাকিব। 

2/ অপৰিস্কাৰ হাত চকু, মুখ, নাকলৈ নিনিব ।

3/ মুখত মাস্ক ব্যৱহাৰ কৰিব। 

4/ এই ভাইৰাছ দ্বাৰা সংক্ৰমিত লোকৰ পৰা দুৰত থাকিবলৈ চেষ্টা কৰিব। 

5/ নিজকে সদায় পৰিস্কাৰ কৰি ৰাখিব। 

6/ জ্বৰ, কাহঁ, পানীলগা আদি হলে অতি সোনকালে ডাক্তৰক দেখোৱাওক। কৰ'না হওঁক বা নহওঁক তেনেলোকে ঘৰতে 14 দিনমান বিশ্ৰাম কৰক। কাৰণ ইমিউনিটি কম থকা লোক যেনে ৰোগী, শিশু আৰু বয়সীয়াল লোকক এই ভাইৰাছে সহজেই আক্ৰমণ কৰে।

7 / এই সময় চোৱাত পৰাপক্ষত দুৰ ভ্ৰমণ আদি বাতিল কৰক নতুবা সুৰক্ষা ব্যৱস্থা সমুহ গ্ৰহণ কৰিহে যাত্ৰা কৰক। 

শেষতীয়া WHO ৰ তথ্য মতে যুৱচামো এই ভাইৰাছৰ দ্বাৰা আক্ৰান্ত হৈছে।  লগতে ইয়াৰ লক্ষণ সমুহো frequently change হৈছে । বিশেষকৈ ই লাহে লাহে গৰম ঠাইত থাকিব পৰাকৈ নিজকে সাজু কৰি লৈছে। ইফালে এপ্ৰিলৰ শেষলৈকেহে ইয়াৰ প্ৰতিকাৰক উদ্ভাৱন হোৱাৰ আশা আছে বুলি বিজ্ঞানীসকলে জনাইছে। গতিকে তেতিয়ালৈকে আমি সাৱধান হব লাগিব । কাৰণ সাৱধানীৰ মৰণ নাই। তথাপি কওঁ সকলো coronavirus ৰ suspected কিন্তু infected নহয়, আৰু সকলো infected মানুহৰে কিন্তু death নহয় । গতিকে সাৱধান হওঁক সময় থাকোতেই। নিজেও সুস্থ সবল হৈ থাকক আনকো থকাত সহায় কৰক। 

ইন্টাৰনেটৰ পৰা সংগ্ৰহ

অচিনা দেশত

বিষাদেই জানো কাৰোবাৰ একান্ত লগৰী,

হৰ্ষও আহিব এদিন

হৈ বিষাদৰ বিৰোধী৷

বিষাদক লগৰী কৰি

ঘুৰি ফুৰিছো মই

হৰ্ষ আছে ক’ত বিচাৰি,

তপত মৰু,চেচা বতাহত থাকিব নোৱাৰো

নোৱাৰো যাব অতীতক পাহৰি৷

অচিনা দেশৰ মাজেৰে যাওঁতে

মোৰ বুকুত খুন্দিয়াই চিনাকি মুখবোৰে,

কান্দো বহি অচিনাদেশৰ মুছাফিৰ খানাত

যেতিয়া মনত পৰে মিঠা মিছা কথাবোৰলে৷

হয়তো মোক কোনোবাই চাইছে

দেখিছে চকুলো টোকা

কিন্তু সোধা নাই একো মই যে অচিনা,

আছে বাৰু কিমান মানুহ

মোক স্বপ্নভংগ কৰা মানুহবোৰৰ নিচিনা৷

এই দুই চকুৰেই দেখিছো

কতজনৰ মিলন,

কোনো নোলাল মোক ভালপোৱা

কি এই মোৰ জীৱন!

পথে পথে ফুৰিছো মই

আমনি লাগিছে তপত চকুলো মোহাৰি,

মই ক’ত, কেনে আছো খবৰ লবলৈ

কাৰো নাই চাগৈ আজৰি!

জীৱনৰ কুসুম বনত সাৰ পাইছিলো

শুৱলা কেতেকীৰ মাতত,

মৰম মই ক’তো নাপালো

হিয়াৰ আমঠু বিচ্ছেদ হল নাই মোৰ লগত৷

মনত পৰে সেইদিনাৰ সেই দৃশ্যটিলৈ

জীয়াই থকালৈকে মনত থাকিব,

আভৰণ পিন্ধি হৰ্ষ এদিন

মোৰ কাষলৈ কেতিয়া আহিব?

অহৰহ ভৱনদীত দুখক বোকোচা বান্ধি

ফুৰিছো মই সাতুৰি,

আজি যিমান,কাইলৈও সিমানেই থাকিব

মৰাৰ পাছতনো জীৱৰ অস্তিত্ব কি?

মোক কৰক বিশ্বাস ঘাতকটা

কিন্তু মই নকৰো 

এইয়া মোৰ সৰলতা৷

দুদিন

কোন বাৰু কাৰ চিৰদিনৰ চিনাকি

দুদিনৰ চিনাকিহে আমাৰ,

আঘোণৰ ধান চপোৱাৰ পিছত

যেনেকৈ ৰৈ খালী পথাৰ৷

দুদিনৰ যাত্ৰী আমি

দুদিনৰ আলহী হৈ আহিছো,

জীৱন নাটক সামৰি এদিন

যাম বুলি প্ৰতিশ্ৰুতি দি আহিছো৷

চকুৰ চিনাকি দুদিনৰ

সকলো সময়ত নিজ বাটে যায়,

শলিতা জ্বলি শেষ হলে

চাকিটো লাহেকৈ নুমায়৷

কোন বাৰু আমাৰ মৰমৰ

সদায় জানো কাষতে পাওঁ,

জীৱন নাটৰ আমি ভাৱৰীয়া

অকলেই আহি অকলেই যাওঁ৷

বাধা দিব নোৱাৰো

সেই বাটৰ সকলো বাটৰুৱা,

লমগৈ এদিন চিৰশান্তি

আমি যে ভাগৰুৱা৷

দুখ-সুখ,হাঁহি-কান্দোন খেল ধেমালিৰ

মাজেৰে শেষ হ’ব দুদিনীয়া জীৱন

কাকো নিব নোৱাৰো লগত,

পোহৰ আৰু অন্ধকাৰৰ খেলা জগতত৷

এজন যায় দুদিনৰ আগত

আনজন যায় দুদিনৰ পাছত,

হেঙাৰ বাৰু আছেনে চাগৈ

সেই অন্ধকাৰ বাটত৷

কৰুণ-বেদনা, নিষ্ফলতাৰে পৰিপূৰ্ণ

আমাৰ জীৱনৰ অভিনয়,

ভাগি যায় মাথো বাৰে বাৰে

আমাৰ সুকোমল হৃদয়৷

এই বিশ্বত পাতিছো বাৰু

কিহৰ খেল নোৱাৰো ক’ব,

মানুহৰ জীৱনৰ জন্ম-মৃত্যু

সদায় হৈ থাকিব৷

জীৱন নাট ভাগিব এদিন

আমি সকলোৱে অভিনয় সামৰিম

এই জনমত কি ঘটিব

মনত জানো ৰখাব পাৰিম৷

পাহৰিম এই জনমৰ কথা

মৰমৰ আছিল কোন আপোনজন,

বাৰে বাৰে সকলোৱে ভাগে

সুকোমল হৃদয়খন৷

মই ভাবিছিলো

ভাবিছিলো মই জানানে

কোনোকালে নাহে মোৰ হেৰুৱা দিনৰ

সপোনবোৰ আকৌ এবাৰ ঘুৰি,

সেউজীয়া পথাৰ এৰি আহিলো

সন্ধিয়া নাযাওঁ বুলি৷

অচিনাকি মানুহৰ মাজত

দেখা পালো ক’ত যে চিনাকি মুখ

মোলৈ চাই হাঁহি থাকে মিচিকিয়াই!

দিনবোৰ যে কালৈকো নৰয়

ভাবিছিলো কোনোকালে নাহে কেতিয়াও

তোমাৰ লগত পাৰ কৰা দিনবোৰ মনত,

গুচি গ’লা তুমি কাষৰপৰা

বিষাদে প্ৰৱেশ কৰিলে জীৱনত!

মোৰ কাষত থাকিল অতীতৰ

দিনবোৰৰ মনোৰম কথাবোৰ

হঠাৎ চুৰমাৰ হ’ল মোৰ সপোনবোৰ৷

দুখী,দুখী মনেৰে থাকো অকলে

কৰবাত আমন জিমনকৈ বহি

হে নিয়তি,তোমাৰ কি লীলা

বিষাদ মনেৰে আছো

মৃত্যুৰ ক্ষণ গণি, গণি৷

সোৱৰণী মিঠা সপোন

তোমাক বিচাৰি কেতিয়াবা মই

ঘুৰি ফুৰো য’তে ত’তে

কেতিয়াবা নিৰ্জনতাত,কেতিয়াবা কোলাহলত

বাৰে বাৰে মোৰ পৰে তোমালৈ মনত!

তোমাৰ দুচকুৰ মিচিকি কাজলৰ দৰে

চিকুনাই আৱৰি ৰাখিছো

প্ৰহেলিকাময় হেপাঁহৰ আকাশত,

থাকিবানে তুমি আজীৱন মোৰ লগত৷

আকাশত মাথোঁ ঢৌ খেলোৱা হাঁহি

শুভ্ৰ জোন আৰু জোনাকী মিতিৰালিৰে

সেয়ে হয়তো সোৱৰণীৰ মিঠা সপোনেে

বাৰে বাৰে মোক আমনি লগাইছে৷

উজাগৰী সপোনে উচুপি মনত পেলাই দিয়ে

ফুল ত’ৰা গানেৰে ভৰা সোণোৱালী

জীৱন বিচাৰি যোৱাৰ কথা৷

পলাই যাব খোজা দুখৰ মাজতো

ৰঙেৰে খেল খেলি তুমি হেৰুৱাই দিয়া!

সকলো আশা,সকলো সপোনক

এটি অভিমান ভৰা আলফুলীয়া পৰশত

বাৰে বাৰে বিচাৰে হৃদয়ত

জীৱনৰ ৰঙীন আকাশত৷