মই ভালপাওঁ

তোমাক ভালপাওঁ সঁচাকৈ

জানানে নাজানা তুমি,

বুজাব নোৱাৰো মই তোমাক

হনুমানৰ দৰে হিয়া ফালি৷

সকলো বস্তুকেই মৰম লাগে

কিন্তু তোমাতকৈ হলে কম,

কাষতে বিচিৰো আজীৱন তোমাকে

কথাষাৰ পাইছানে তুমি গম !

মই নানা সপোন ৰচো

যেতিয়াই তেতিয়াই তোমাকে লৈ,

আহিবা তুমি এদিন মোৰ জীৱনলৈ

এপাহি ৰঙা গোলাপ হৈ৷

দেশমাতৃৰ সেউজী দূবৰিবন

বহিচানে কেতিয়াবা দেশমাতৃৰ কোলাত,

অঁকা আছে তোমাৰ প্ৰতিছবি

মোৰ কোমল হিয়াত৷

দেশত কত কিমান আছে

কিন্তু তোমাতকৈ মোৰ ভাল নালাগে,

পৃথিৱীৰ বিভিন্ন ঠাইত আছে নানা দেশ

তথাপি মোৰ দেশকহে ভাল লাগে৷

এই দেশৰ বুকুতেই বাৰু

হবনে তোমাৰ মোৰে মিলন,

গঢ়িব পাৰিমনে আমি দুয়ো

সফল সুন্দৰ জীৱন  !

দেশৰ বুকুতেই লীন যাব

আমাৰ ক্ষন্তেকীয়া দেহা

তুমি মোৰ কথা ভাবানে মই ভবাৰ দৰে,

মৰম সদায় বিচাৰে মৰম

যি একো বিচাৰ নকৰে৷