একে একে দুই হয়
দুই যোগ দুই সমান চাৰি
সকলোৱেই জানে এইবোৰ কথা
কিন্তু মোৰতো এক টোও নাই
আছে মাথো শূন্যতো
কেইটা শূন্য দিলে বাৰু এক হ’ব ?
শূন্য সদায় মূল্যহীন !
ইয়াক মূল্য দিব জানিলেই
এক হ’ব,দুইৰ পৰা চাৰি
দহ,বাৰ তেনেকৈয়ে হৈ থাকিব৷
শেষত গৈ এটা শূন্যৰো বহুত
মূল্য হ’ব যদি সোঁহাতলৈ
তাক আনিব পাৰি৷
বাওঁহাতৰ শূন্যৰ মূল্য নাই
আনিবা সোহাঁতলৈ
ভালদৰে মনত ৰাখিবা
জীয়াই থকাৰ কাললৈ৷
No comments:
Post a Comment