তোমাক বিচাৰি যাওঁ

বহুত দিন ভাবি আছো

তোমাৰ কথা মোৰ মনত

তোমাকে বিচাৰো মৰমী কাষতে

মোৰ দুদিনীয়া জীৱনত৷

সদায় কল্পনা কৰো

মধুৰ মধুৰ সপোন ৰচো

হঠাতে কল্পনাৰ কাৰেং সাজি

হঠাতে ভাঙি চুৰমাৰ কৰো৷

নাজানো তোমাৰ প্ৰতি কিয় মোৰ

ইমান মৰম চেনেহ ভালপোৱা

তুমিয়েই হৈছা একমাত্ৰ নাৰী

হৃদয়ত আলফুলকৈ গুজি বহা!

কথাৰে প্ৰকাশ কৰিব নোৱাৰো

মোৰ মনৰ কথা তোমাৰ আগত

ভগৱানৰ কি যে মনোৰম সৃষ্টি

আতৰি নাযাবা তুমি লাজত৷

এটি মৌ মিঠা মাত দি

মোৰ অন্তৰ নিয়া শাঁত পেলাই

মোৰ এই অবুজ ভালপোৱাই

তোমাক মাথো বিচাৰি যায়৷

বহাগ অহাৰ বাতৰি লৈ

কুলিয়ে বিনাই কুউ কুউ কৈ

শয়নে সপোনে বিচাৰো তোমাকে

মনে সদায় বিচাৰে কাষত

তোমাৰ প্ৰতিছবি আঁকিলো সংগোপনে

মোৰ হিয়াৰ ভাজত৷

মচিব নোৱাৰো সেই প্ৰতিছবি

মোৰ হিয়াৰ পৰা

তুমি হবা মোৰ বিয়াৰ কইনা

মই হম তোমাৰ দৰা৷

দুয়ো বিয়া পাতি

সুখৰ সংসাৰ গঢ়িম

এই বিনন্দীয়া পৃথিৱীত

তোমাকে আপোন কৰিম৷