বিচাৰ শক্তি উৎপন্ন কৰা
তোমাৰ মাত্ৰ কাম,
সফল জীৱন যাপনৰ বাবে
মানুহক তুমি সজাই তোলা
প্ৰাৰ্থনা তোমাৰ নাম৷
সকলো সম্পদ মনৰ মাজত
মানুহৰ নিহিত হৈ থাকে,
প্ৰাৰ্থনা এক পৰম শক্তি
মানুহৰ মন নিকা কৰে৷
মানুহৰ চেতনাৰ মাজতে বিদ্যমান
নানান বিচাৰধাৰা
এই সকলোবোৰক মুক্তি দি
দিয়া বিকাশ আৰু প্ৰকাশৰ সুবিধা৷
সফলভাৱে কাম কৰাত
নিয়া আমাক সকলোকে আগুৱাই,
প্ৰাৰ্থনাৰ মহত্ত্ব বুজাব নোৱাৰি
নানে আমালৈ বিপদ চপাই৷
ঈশ্বৰে আমাৰ মন আৰু ব্যক্তিত্বত
ভাবিব নোৱাৰা শক্তি,সামৰ্থ দিছে,
প্ৰাৰ্থনাই আমাৰ সকলোৰে বাবে
এখন মহান জগত ৰচিছে৷
প্ৰাৰ্থনাৰ জৰিয়তে আমি শক্তি সামৰ্থ্য
বিকাশ সাধন কৰিব পাৰো,
আহা আমি সকলোৱে মিলিজুলি
সদায় প্ৰাৰ্থনা কৰো৷
No comments:
Post a Comment